ບັນດາຜູ້ອອກຮັບສາໝັກເລືອກຕັ້ງເປັນປະທານາທິບໍດີຂອງພັກຊາທິປະໄຕຮຽກຮ້ອງໃຫ້ປັບປຸງການຄວມຄຸມກວດກາປືນ, ລູກປືນ
(VOVWORLD) -ວັນທີ 29 ກໍລະກົດ, ບັນດາຜູ້ອອກຮັບສະໝັກເລືອກຕັ້ງເພື່ອຮັບດຳລົງຕຳແໜ່ງເປັນປະທານາທິບໍດີ ອາເມລິກາ ໃນປີ 2020 ຂອງ ພັກປະຊາທິປະໄຕໄດ້ອອກສຽງຮຽກຮ້ອງການຄວມຄຸມກວດກາປືນ, ລູກປືນພາຍຫຼັງເຫດຍິງປືນທີ່ເກີດຂຶ້ນໃນວັນທີ 28 ກໍລະກົດ ຢູ່ Gilroy, ລັດ California ເຮັດໃຫ້ 3 ຄົນຖືກເສຍຊີວິດ.
 ພາບປະກອບ: ສະຖານທີ່ເກີດເຫດຍິງປືນຢູ່ງານບຸນກະທຽມ Gilroy (ພາບ: AFP/TTXVN) |
ທ່ານ Kamala Harris ສະມາຊິກສະພາສູງລັດ California, ຜູ້ທີ່ໃຫ້ຄຳໝັ້ນສັນຍາຈະຊຸກຍູ້ການຄວບຄຸມກວດກາປືນ, ລູກປືນຖ້າຫາກວ່າໄດ້ຮັບເລືອກຕັ້ງເປັນປະທານາທິບໍດີ ອາເມລິກາ, ແລະທ່ານໄດ້ເອີ້ນເຫດຍິງປືນຢູ່ງານບຸນກະທຽມ Gilroy ປະຈຳປີແມ່ນເຫດທີ່ນອງເລືອດ.
ທ່ານ Julian Castro ອະດີດລັດຖະມົນຕີກະຊວງພັດທະນາ ເຄຫາ ແລະ ຕົວເມືອງ ອາເມລິກາ,ໂດຍເປັນໜຶຶ່ງໃນຜູ້ອອກຮັບສະໝັກເລືອກຕັ້ງດຳລົງຕຳແໜ່ງເປັນປະທານາທິບໍດີ ອາເມລິກາຂອງພັກປະຊາທິປະໄຕໄດ້ເນັ້ນໜັກວ່າ ຕ້ອງເຮັດຫຼາຍກ່ວາອີກເພື່ອສະກັດກັ້ນບັນດາເຫດການບຸກໂຈມຕີທີ່ນອງເລືອດຄືດັ່ງກ່າວ.