ບັນດາຝ່າຍຄ້ານລີບີລົງນາມໃນຂໍ້ຕົກລົງສ້າງຕັ້ງລັດຖະບານສາມັກຄີຊົນຊາດ
![ບັນດາຝ່າຍຄ້ານລີບີລົງນາມໃນຂໍ້ຕົກລົງສ້າງຕັ້ງລັດຖະບານສາມັກຄີຊົນຊາດ - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2015_12_18/4444.jpg)
ທູດພິເສດທ່ານ Martin Kobler (ພາບ: ikazeiwacu.fr)
(vovworld) - ວັນທີ 17/12, ຢູ່ນະຄອນແຄມຝັ່ງທະເລ Skhirat, ທາງພາກເໜືອ Maroc, ບັນດາຝ່າຍຄ້ານລີບີລົງນາມໃນຂໍ້ຕົກລົງສັນຕິພາບ ໂດຍສະຫະປະຊາຊາດອຸປະຖຳ ເພື່ອສ້າງຕັ້ງລັດຖະບານສາມັກຄີຊົນຊາດ. ບັນດາຜູ້ສະໜັບສະໜູນຂໍ້ຕົກລົງຫວັງວ່າ, ບັນດາພັກຝ່າຍການເມືອງທີ່ເປັນປໍລະປັກຢູ່ລີບີ ຈະປະຕິບັດຂໍ້ຕົກລົງ, ເຫັນດີເປັນເອກະພາບຕໍ່ການຢຸດຍິງ, ເພື່ອສາມາດພ້ອມກັນຕ້ານກຸ່ມລັດອິດສະລາມ (IS) ອ້າງຊື່ເອງ. ຕາມຂໍ້ຕົກລົງດັ່ງກ່າວ, ສະພານາຍົກລັດຖະມົນຕີລວມມີສະມາຊິກ 9 ທ່ານ ຈະສ້າງຕັ້ງລັດຖະບານໃໝ່ ແລະ ສະພາຕຳ່ ເຊິ່ງໄດ້ຮັບການຮັບຮອງຈາກສາກົນ ຈະແມ່ນອົງການນິຕິບັນຍັດຕົ້ນຕໍ ແລະ ສະພາແຫ່ງລັດ ຈະແມ່ນອົງການທາບທາມທີ 2. ສະພາປະທານາທິບໍດີ ຈະປະກາດພາກສ່ວນລັດຖະບານໃໝ່ໃນຮອບເວລາ 1 ເດືອນ ແລະ ສະພາຄວາມໝັ້ນຄົງສະຫະປະຊາຊາດຈະຍົກອອກມະຕິໜຶ່ງກ່ຽວກັບເລື່ອງນີ້.