ທ່ານ ເລຫາຍບີງ
|
(vovworld) - ທີ່ການປະຊຸມຂ່າວປະຈຳເດືອນ ຈັດຕັ້ງໃນຕອນບ່າຍວັນທີ 22/9, ຢູ່ຮ່າໂນ້ຍ, ໂຄສົກກະຊວງການຕ່າງປະເທດ ຫວຽດນາມ ເລຫາຍບີ່ງ ໄດ້ຕອບຄຳຖາມຂອງນັກຂ່າວພາຍໃນ ແລະ ສາກົນ ກ່ຽວຂ້ອງເຖິງບັນດາການຜັນແປມໍ່ໆມານີ້ຢູ່ທະເລຕາເວັນອອກ. ເມື່ອຕອບຄຳຖາມກ່ຽວຂ້ອງເຖິງຖະແຫຼງການຂອງລັດຖະມົນຕີກະຊວງປ້ອງກັນປະເທດ ຍີ່ປຸ່ນ ກ່ຽວກັບເລື່ອງເພີ່ມທະວີການລາດຕະເວນຮ່ວມກັບ ອາເມລິກາ ຢູ່ທະເລຕາເວັນອອກ, ເລື່ອງ ລັດເຊຍ ແລະ ຈີນ ຊ້ອມຮົບຮ່ວມຢູ່ທະເລຕາເວັນອອກ, ໂຄສົກກະຊວງການຕ່າງປະເທດ ຫວຽດນາມ ເລຫາຍບີ່ງ ໃຫ້ຮູ້ວ່າ:
“ເຊິ່ງແມ່ນປະເທດແຄມທະເລ ແລະ ກໍ່ແມ່ນສະມາຊິກຂອງສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982. ຫວຽດນາມ ຖືວ່າ ທຸກໆການເຄື່ອນໄຫວ ລວມທັງບັນດາການເຄື່ອນໄຫວດ້ານການທະຫານຢູ່ທະເລຕາເວັນອອກຕ້ອງປະຕິບັດບັນດາຂໍ້ກຳນົດ, ກົດໝາຍສາກົນ, ພິເສດແມ່ນສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982, ຫວຽດນາມ ກໍ່ຫວັງວ່າທຸກໆປະເທດປະກອບສ່ວນຕັ້ງໜ້າເຂົ້າໃນການຮັກສາສັນຕິພາບ, ສະຖຽນລະພາບ, ຮັບປະກັນຄວາມໝັ້ນຄົງ, ຄວາມປອດໄພການເດີນທະເລ ແລະການບິນຢູ່ທະເລຕາເວັນອອກ ກໍ່ຄືຢູ່ພາກພື້ນ ອາຊີ ປາຊີຟິກ.”
ກ່ຽວກັບປະຕິກິລິຍາຂອງຫວຽດນາມຕໍ່ຂ່າວຄາວວ່າ ໄຕ້ຫວັນ(ຈີນ) ພວມກໍ່ສ້າງບາງຮາກຖານຢູ່ເກາະ ບາບີງຂຶ້ນກັບໝູ່ເກາະເຈື່ອງຊາ ແລະ ບັນດາຮາກຖານນີ້ໄດ້ຮັບຖືວ່າແມ່ນເພື່ອຮັບໃຊ້ຈຸດປະສົງການທະຫານ. ໂຄສົກກະຊວງການຕ່າງປະເທດຫວຽດນາມ ເລຫາຍບີງ ຊີ້ແຈ້ງວ່າ:
“ບັນດາອົງການກ່ຽວຂ້ອງຂອງຫວຽດນາມ ພວມກວດກາຢັ້ງຢືນຂ່າວຄາວດັ່ງກ່າວ. ເຖິງຢ່າງໃດກໍຕາມ, ຂ້າພະເຈົ້າຢືນຢັນວ່າ ຫວຽດນາມໄດ້ຢັ້ງຢືນອະທິປະໄຕຂອງຕົນສຳລັບໝູ່ເກາະເຈື່ອງຊາເປັນຫລາຍຄັ້ງແລ້ວ, ສະນັ້ນ ຝ່າຍໄຕ້ຫວັນຢືດຄອງ ແລະ ດຳເນີນບັນດາການເຄື່ອນໄຫວຢູ່ເຂດນີ້ແມ່ນຜິດກົດໝາຍ ແລະ ລ່ວງລ້ຳອະທິປະໄຕຂອງຫວຽດນາມຢ່າງຮ້າຍແຮງ. ຫວຽດນາມ ເດັດດ່ຽວຄັດຄ້ານ.”