ທະຫານຂອງລັດຖະບານ Yemen ຕໍ່ສູ້ກັບກຳລັງ Houthi ເມື່ອວັນທີ 31/3/2021 (ພາບ: AFP/TTXVN)

   ວັນທີ 1 ເມສາ, ທ່ານ Farhan Haq ຮອງໂຄສົກ ສປຊ ໃຫ້ຮູ້ວ່າ ບັນດາຝ່າຍເຂົ້າຮ່ວມການສູ້ຮົບຢູ່ Yemen ບັນລຸໄດ້ຂໍ້ຕົກລົງຢຸດຍິງໃນເວລາ 2 ເດືອນ, ເລີ່ມແຕ່ວັນທີ 2 ເມສາ ໃນໂອກາດເດືອນບຸນ Ramadan ຂອງຊາວ ອິດສະລາມ.

   ຖະແຫຼງການກ່ຽວກັບຂໍ້ຕົກລົງຢຸດຍິງ ໄດ້ຍົກອອກມາ ໃນສະພາບການທີ່ການເຈລະຈາຄັ້ງຕ່າງໆ ກ່ຽວກັບການປະທະກັນທີ່ຖືກແກ່ຍາວຢູ່ Yemen ພວມດຳເນີນໄປຢູ່ Saudi Arabia. ໃນອາທິດກ່ອນ, ກຳລັງ Houthi ຢູ່ Yemen ໄດ້ປະຕິເສດເລື່ອງເຂົ້າຮ່ວມການເຈລະຈາໃນເຂດດິນແດນຂອງ “ສັດຕູ” ແຕ່ຫຼັງຈາກນັ້ນ ກໍ່ໄດ້ສະເໜີຂໍ້ຕົກລົງຢຸດຍິງໂດຍຊົ່ວຄາວ ແລະ ແລກປ່ຽນນັກໂທດ ຢ່າງກະທັນຫັນ. ນີ້ແມ່ນຂໍ້ຕົກລົງຢຸດຍິງສະບັບທຳອິດ ຊື່ງບັນດາຝ່າຍບັນລຸໄດ້ນັບແຕ່ເດືອນເມສາປີ 2020 ເປັນຕົ້ນມາ.