ບັນດາພັກຝ່າຍຢູ່ ປາແລດສະຕີນ ເປັນເອກະພາບແຜນການເລືອກຕັ້ງ
(VOVWORLD) -ວັນທີ 9 ກຸມພາ, ການເຈລະຈາລະຫວ່າງບັນດາພັກຝ່າຍ ຢູ່ ປາແລດສະຕີນ, ໃນນັ້ນມີ Fatah ແລະ Hamas ໄດ້ປິດລົງພາຍຫລັງໂຮມປະຊຸມເປັນເວລາ 2 ວັນ ຢູ່ ອີຢີບ.
 ບັນດາພັກຝ່າຍຢູ່ ປາແລດສະຕີນ ເປັນເອກະພາບແຜນການເລືອກຕັ້ງພາບ:AL JAZEERA AND NEWS AGENCIES
|
ໃນຖະແຫລງການສຸດທ້າຍ,ບັນດາພັກຝ່າຍ ປາແລດສະຕີນ ບັນລຸໄດ້ຄວາມເຫັນດີເຫັນພ້ອມກ່ຽວກັບການຮ່ວມມື ແລະຈັດຕັ້ງການເລືອກຕັ້ງທົ່ວປະເທດ ຫລັງຈາກນັ້ນ ແມ່ນການເລືອກຕັ້ງປະທານາທິບໍດີ.
ບັນດາພັກຝ່າຍເຫັນດີ ຈະເຊື່ອມຕໍ່ການເຈລະຈາຢູ່ Cairo ໃນເດືອນມິນາ ຈະມາເຖິງ ເພື່ອເປັນເອກະພາບກ່ຽວກັບກົນໄກທີ່ຈຳເປັນເພື່ອສ້າງຕັ້ງສະພາແຫ່ງລັດໃຫມ່ ດ້ວຍເປົ້າໝາຍພັດທະນາອົງການປົດປ່ອຍ ປາແລດສະຕີນ PLO. ຖະແຫລງການເນັ້ນຫນັກວ່າ ການເລືອກຕັ້ງໃນທົ່ວປະເທດ ຈະຈັດຕັ້ງຢູ່ ເຢຣູຊາແລມ, ຝັ່ງຕາເວັນຕົກ ແລະ ເຂດກາຊາ. ບັນດາພັກຝ່າຍໃຫ້ຄຳໝັ້ນສັນຍາສະຫນັບສະຫນູນການເລືອກຕັ້ງ ແລະ ຈະເຄົາລົບໝາກຜົນການເລືອກຕັ້ງສຸດທ້າຍ.