(vovworld) - ວັນທີ2/2, ຢູ່ຕາແສງ ຈູງເລືອງ, ເທດສະບານ ຮົ່ງລິງ, ແຂວງ ຮ່າຕິງ ດຳເນີນບຸນຊ່ວງເຮືອທີ່ເປັນມູນເຊື້ອປະຈຳປີ ແນໃສ່ຕອບບຸນເທວະດາຟ້າແຖນທີ່ໄດ້ເອື້ອອຳນວຍຄວາມສະດວກໃຫ້ປະຊາຊົນໃນໜຶ່ງປີຜ່ານມາ. ນີ້ກໍ່ແມ່ນໂອກາດເພື່ອໃຫ້ປະຊາຊົນເຝິກແອບສຸຂະພາບ, ພ້ອມທັງພາວະນາໃຫ້ດິນຟ້າອາກາດອຳນວຍຄວາມສະດວກ ເພື່ອໃຫ້ການຜະລິດໄດ້ຮັບຜົນດີ ແລະ ໄດ້ຮັບຄວາມໂຊກດີໃນປີໃໝ່. ທ່ານ ຫງວຽນກົງໂລກ, ຮອງປະທານຄະນະກຳມະການປະຊາຊົນຕາແສງ ຈູງເລືອງ, ໃຫ້ຮູ້ວ່າ:
“ພິທີງານບຸນຈັດຕັ້ງສຳເລັດຜົນ ຈະຊ່ວຍໃຫ້ປີໃໝ່ປະສົບແຕ່ຄວາມໂຊກດີ. ພິເສດແມ່ນອາຊີບຕີເຫຼັກທີ່ເປັນມູນເຊື້ອຂອງຈູງເລືອງ ໄດ້ຮັບການພັດທະນາ. ຜ່ານງານບຸນນີ້, ປະຊາຊົນຫວັງວ່າການຜະລິດຈະໄດ້ຮັບຜົນດີກວ່າເກົ່າ “.
ຕອນເຊົ້າວັນທີ 2/2, ປະຊາຊົນ ແລະ ນັກທ່ອງທ່ຽວນັບໝືນຄົນໄດ້ເຂົ້າຮ່ວມຕະຫຼາດນັດຂໍຄວາມໂຊກຄວາມໄຊໃນໂອກາດຕົ້ນປີໃໝ່ຢູ່ຕະຫຼາດ ດິ່ງບິກລາ, ຕາແສງຈ້ຽວດົງ, ເມືອງ ຈ້ຽວຟອງ, ແຂວງກວາງຈີ້. ທ່ານ ເລວັນແທງ, ຊາວບ້ານບິກລາ, ຕາແສງຈ້ຽວດົງ, ເມືອງ ຈ້ຽວຟອງ, ແຂວງກວາງຈີ້, ໃຫ້ຮູ້ວ່າ:
“ຕະຫຼາດນີ້ມີແຕ່ຊື້, ຂາຍຄວາມໂຊກດີເທົ່ານັ້ນ. ໃນຕະຫຼາດບໍ່ມີການຕໍ່ລາຄາ. ຕົວຢ່າງຄືໝາກຄ້ຽວຂາຍ 1 ພັນດົ່ງ/ໝາກ, ຜູ້ຊື້ຈະຕ້ອງຈ່າຍ 1 ພັນດົງໂດຍ ບໍ່ໄດ້ຕໍ່ລາຄາຢ່າງເດັດຂາດ“.