ບັນດາວິສາຫະກິດຂອງສະຫະສະມາຄົມຜັກໝາກໄມ້ ຫວຽດນາມ ເຂົ້າຮ່ວມງານຕະຫຼາດນັດ Fruit Logistica 2020
(VOVWORLD) -ວັນທີ 05 ກຸມພາ, Fruit Logistica 2020 ແມ່ນງານຕະຫຼາດນັດວາງສະແດງ ແລະ ຂາຍສົ່ງບັນດາຜະລິດຕະພັນໝາກໄມ້ສົດໃຫຍ່ສຸດໃນໂລກ ເຊິ່ງໄດ້ໄຂຂຶ້ນຢູ່ Berlin ປະເທດ ເຢຍລະມັນ.
 ຮ້ານວາງຂາຍສິນຄ້າຂອງຫວຽດນາມຢູ່ງານຕະຫຼາດນັດ (ພາບ: TTXVN) |
ປີນີ້ແມ່ນປີທີ 2 ເຊິ່ງບັນດາວິສາຫະກິດຫວຽດນາມ ເຂົ້າຮ່ວມງານຕະຫຼາດນັດ, ດ້ວຍວິສາຫະກິດ 9 ແຫ່ງໃນຂົງເຂດຜະລິດ ແລະ ປຸງແຕ່ງຜັກ, ໝາກໄມ້, ສົ່ງອອກ. ນີ້ແມ່ນເນື້ອໃນທີ່ນອນໃນລາຍການສົ່ງເສີມແຫ່ງຊາດ ປີ 2020 ໂດຍກະຊວງອຸດສາຫະກໍາ ແລະ ການຄ້າຫວຽດນາມ - ກົມສົ່ງເສີມການຄ້າອະນຸມັດຜ່ານ ແລະ ສະຫະສະມາຄົມຜັກ, ໝາກໄມ້ຫວຽດນາມ Vinafruit ຈັດຕັ້ງ.
ໃນໄລຍະດໍາເນີນງານຕະຫຼາດນັດ, ຄາດວ່າບັນດາຮ້ານວາງສະແດງສິນຄ້າຂອງຫວຽດນາມ ຈະຕ້ອນຮັບລູກຄ້າເອີຣົບໄດ້ເປັນຈໍານວນຫຼວງຫຼາຍ, ໃນນັ້ນ ມີບັນດາຄູ່ຮ່ວມມືລາຍໃຫຍ່ຂອງເຢຍລະມັນ ໄດ້, ກໍາລັງ ແລະ ຄາດວ່າຈະນໍາເຂົ້າບັນດາຜະລິດຕະພັນໝາກໄມ້ສົດຂອງຫວຽດນາມ. ປັດຈຸບັນ, ບັນດາລະບົບຮ້ານສັບພະສິນຄ້າແຖວໜ້າຂອງເຢຍລະມັນຄື Netto, Edeka, Selgros ໄດ້ນໍາເຂົ້າ ແລະ ຈໍາໜ່າຍສໍາເລັດບັນດາຜະລິດຕະພັນໝາກໄມ້ຂອງຫວຽດນາມ ພິເສດແມ່ນໝາກມັງກອນ. ບັນດາປະເພດສິນຄ້າອື່ນໆຄື ໝາກນອດສົດ, ເນື້ອໝາກພ້າວສົດຂູດ, ເນື້ອໝາກພ້າວຂູດອົບແຫ້ງ, ໝາກກວ້ຍ, ໝາກມັງກອນອົບແຫ້ງ ກໍໝັ້ນໝາຍວ່າ ຈະມີສັນຍາຊື້ຂາຍໃນໄລຍະຈະມາເຖິງ.