(ພາບປະກອບ)
(vovworld)- ຕອນເຊົ້າວັນທີ 10/7, ຢູ່ນະຄອນໂຮ່ຈິມິນ, ສະຫະພັນບັນດາອົງການຈັດຕັ້ງມິດຕະພາບນະຄອນໄດ້ຈັດການພົບປະສ້າງສັນ “ຮ່ວມແຮງຮ່ວມໃຈມຸ່ງໄປສູ່ທະເລໝູ່ເກາະ“ ແລະ ອອກຖະແຫຼງການຄັດຄ້ານການກະທຳຂອງຈີນ ຢູ່ທະເລຕາເວັນອອກ. ທ່ານເລຮຶງກວກ, ປະທານສະຫະພັນບັນດາອົງການຈັດຕັ້ງມິດຕະພາບນະຄອນໂຮ່ຈິມິນ ຊີ້ແຈ້ງວ່າ:
“ຍິ່ງກ່ວາເວລາໃດໝົດ, ພວກເຮົາຕ້ອງສາມັກຄີກັນເປັນຈິດໜຶ່ງໃນດຽວ, ຮ່ວມແຮງຮ່ວມໃຈເພື່ອຮັບໃຊ້ໃຫ້ແກ່ແນວໜ້າ, ໝູ່ເກາະ. ລະອຽດແມ່ນລັດຫວຽດນາມ ພວມມານະພະຍາຍາມໃຊ້ວິທີທີ່ດີທີ່ສຸດ, ຕັ້ງໜ້າທີ່ສຸດເພື່ອພັດທະນາເສດຖະກິດ. ຍ້ອນວ່າ, ລັດເຂັ້ມແຂງ, ປະຊາຊົນຮັ່ງມີ, ຫວຽດນາມ ຈຶ່ງຈະສາມາດເທົ່າທຽມກັບບັນດາປະເທດມະຫາອຳນາດໄດ້“.
ສື່ມວນຊົນເຢຍລະມັນໃຫ້ຂ່າວກ່ຽວກັບກອງປະຊຸມສຳມະນາສາກົນ “ຮ່ວາງຊາ-ເຈື່ອງຊາ-ຄວາມຈິງແຫ່ງປະຫວັດສາດ“
ວັນທີ 9/7, ປະຕູຖານຂໍ້ມູນການເງິນໃຫ່ຍອັນດັບໜຶ່ງຂອງເຢຍລະມັນ Finananzen.net ໄດ້ໃຫ້ຂ່າວກ່ຽວກັບກອງປະຊຸມສຳມະນາສາກົນ “ຮ່ວາງຊາ-ເຈື່ອງຊາ-ຄວາມຈິງແຫ່ງປະຫວັດສາດ“ ຈັດຂຶ້ນຢູ່ດ່ານັງ ຫວ່າງແລ້ວນີ້.
Finananzen.net ໃຫ້ຮູ້ວ່າ, ຜູ້ຊ່າວຊານ, ນັກວິທະຍະສາດ ແລະ ນັກຂ່າວກ່ວາ 100 ທ່ານມາຈາກຫຼາຍປະເທດ ພ້ອມກັບບັນດານັກວິທະຍາສາດຫວຽດນາມ ໄດ້ປຶກສາຫາລືກ່ຽວກັບບັນດາພະຍານຫຼັກຖານປະຫວັດສາດຢັ້ງຢືນອະທິປະໄຕຂອງຫວຽດນາມ ທີ່ມີຕໍ່ສອງໝູ່ເກາະຮ່ວາງຊາ ແລະ ເຈື່ອງຊາ. ຕາມບົດຂຽນ, ເລື່ອງ ຈີນ ຕັ້ງຮ້ານເຈາະນ້ຳມັນ ໄຮຢາງ 981 ໃນເຂດເສດຖະກິດຈຳເພາະ ແລະ ໄຫຼ່ທະວີບຂອງ ຫວຽດນາມ ແມ່ນໄດ້ລະເມີດຂໍ້ຕົກລົງກ່ຽວກັບບັນດາຫຼັກການພື້ນຖານຊີ້ນຳການແກ້ໄຂບັນຫາບົນທະເລຊື່ງຫວຽດນາມ ແລະ ຈີນ ລົງນາມເມື່ອປີ 2011. ນີ້ແມ່ນການກະທຳເກາະຜິດ ແລະ ກໍ່ຄວາມອັນຕະລາຍໃຫ້ແກ່ສັນຕິພາບໃນທະເລຕາເວັນອອກ. ບົດຂຽນຍັງຄັດສະເໜີບົດທາບທາມຄວາມເຫັນຂອງບັນດານັກວິທະຍາສາດສາກົນກ່ຽວກັບບັນດາພະຍານຫຼັກຖານດ້ານກົດໝາຍ, ປະຫວັດສາດຢັ້ງຢືນອະທິປະໄຕຂອງຫວຽດນາມ ທີ່ມີຕໍ່ສອງໝູ່ເກາະຮ່ວາງຊາ ແລະ ເຈື່ອງຊາ./.
ພິທີສວດພາວະນາສັນຕິພາບໃຫ້ແກ່ທະເລຕາເວັນອອກ
(vovworld)- ຕອນເຊົ້າວັນທີ 9/7, ຄະນະບໍລິຫານງານສູນກາງສະມາຄົມພຸດທະສາສະຫນາຫວຽດນາມໄດ້ຈັດຕັ້ງພິທີສວດພາວະນາສັນຕິພາບໃຫ້ແກ່ທະເລຕາເວັນອອກຢູ່ເທດສະບານ ເຢືອງດົງ(ຟູກວກ-ກຽນຢາງ) ໂດຍມີການເຂົ້າຮ່ວມຂອງພຸດທະສາສະນິກະຊົນນັບຮ້ອຍຄົນ. ທີ່ພິທີ, ສູນກາງສະມາຄົມພຸດທະສາສະຫນາຫວຽດນາມ ໄດ້ອ່ານສານກ່ຽວກັບສັນຕິພາບຢູ່ທະເລຕາເວັນອອກ ຂອງປະທານສະມາຄົມພຸດທະສາສະຫນາຫວຽດນາມ ສົ່ງເຖິງຍົດຖາບັນດາສັກ, ພຸດທະສາສະນິກະຊົນຢູ່ໃນໂລກ ແລະ ພະອາຈານ ປະທານສະຫະສະມາຄົມພຸດທະສາສະຫນາຈີນ. ສານດັ່ງກ່າວໄດ້ຮຽກຮ້ອງຝ່າຍຈີນ ປະຕິບັດຄວາມຮັບຜິດຊອບປົກປັກຮັກສາສັນຕິພາບ, ເຄົາລົບເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖ້ວນຂອງບັນດາປະເທດ, ໃນນັ້ນ ມີຫວຽດນາມ, ກ່າວປະນາມການກະທຳຂອງຈີນທີ່ລະເມີດອະທິປະໄຕຢູ່ເຂດເສດຖະກິດຈຳເພາະ ແລະ ໄຫລ່ທະວີບຂອງຫວຽດນາມ, ຮຽກຮ້ອງພຸດທະສາສະນິກະຊົນ ສະແດງນ້ຳໃຈຮັກຊາດ ບົນຈິດໃຈເມດຕາຈິດ ແລະ ພູມປັນຍາ, ບໍ່ປະໃຫ້ພວກບໍ່ດີສວຍໃຊ້, ຍຸແຍ່, ນອກນັ້ນຕ້ອງມີຄວາມເຊື່ອໝັ້ນຕໍ່ ບັນດາມາດຕະການແກ້ໄຂຂອງ ພັກ ແລະ ລັດໃນປະຈຸບັນ. ພາຍຫລັງປະຕິບັດພິທີສວດພາວະນາສັນຕິພາບໃຫ້ແກ່ທະເລຕາເວັນອອກ ແລະ ອາໄລຫາບັນດານັກຮົບທີ່ເສຍສະຫລະຊີວິດເພື່ອຊາດ, ສະມາຄົມພຸດທະສາສະຫນາຫວຽດນາມ ໄດ້ມອບຈຳນວນເງິນ 200 ລ້ານດົງ ເພື່ອສະຫນັບສະຫນູນລາຍການປົກປັກຮັກສາອະທິປະໄຕເຂດທະເລໝູ່ເກາະຂອງຫວຽດນາມ.