ບັນດາສະມາຊິກສະພາຕໍ່າ ຈີເລ ສະແດງຄວາມວິຕົກ ກັງວົນກ່ຽວກັບການກະທຳຂອງຈີນ ຢູ່ທະເລຕາເວັນອອກ
(ທ່ານນາງເອກອັກຄະລັດຖະທູດຫວຽດນາມ ປະຈຳ ຈີເລ ຮ່າທິງອກຮ່າ)
(vovworld) – ທ່ານນາງເອກອັກຄະລັດຖະທູດຫວຽດນາມ ປະຈຳ ຈີເລ ຮ່າທິງອກຮ່າ ຫາກໍ່ພົບປະກັບບັນດາສະມາຊິກສະພາຕໍ່າໃນກຳມາທິການການຕ່າງປະເທດສະພາຕໍ່າຈີເລ ເພື່ອແຈ້ງໃຫ້ຊາບກ່ຽວກັບເລື່ອງຈີນ ຕັ້ງຮ້ານເຈາະນ້ຳມັນໄຮ່ຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ. ທ່ານນາງເອກອັກຄະລັດຖະທູດ ຮ່າທິງອກຮ່າ ກໍ່ສົ່ງຈົດໝາຍຂອງຫົວໜ້າກຳມະທິການການຕ່າງປະເທດສະພາແຫ່ງຊາດ ເຈີນວັນຮັ່ງ ໃຫ້ທ່ານຫົວໜ້າກຳມາທິການການຕ່າງປະເທດສະພາຕໍ່າສ.ຈີເລ Aldo Cornejo Gonzalez, ກ່ຽວກັບເລື່ອງຈີນ ໄດ້ນຳຮ້ານເຈາະນ້ຳມັນໄຮ່ຢາງ 981 ເຂົ້າເຄື່ອນໄຫວຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ ຢູ່ທະເລຕາເວັນອອກ. ບັນດາສະມາຊິກສະພາຕໍ່າຈີເລ ໄດ້ສະແດງຄວາມວິຕົກກັງວົນຢ່າງເລິກເຊິ່ງກ່ຽວກັບເລື່ອງຕັ້ງຮ້ານເຈາະນ້ຳມັນໄຮ່ຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ. ບັນດາສະມາຊິກສະພາຕໍ່າ ສະເໜີໃຫ້ຝ່າຍຕ່າງໆຈົ່ງລະງັບໃຈ, ຫຼິກລ້ຽງເຮັດໃຫ້ສະພາບການຂັດແຂ້ງກາຍເປັນການປະທະກັນດ້ວຍອາວຸດ, ພ້ອມທັງສະໜີບັນດາຝ່າຍເຄົາລົບຄຳໝັ້ນສັນຍາຂອງສົນທິສັນຍາຂອງສະຫະປະຊາຊາດກ່ຽວກັບກົດໝາຍທະເລປີ 1982.
ທ່ານນາງປະທານສະຖາບັນວັດທະນະທຳຈີເລ - ຫວຽດນາມ Prtricia Abarzua Munoz, ໄດ້ສົ່ງຖະແຫຼງການຂອງສະຖາບັນວັດທະນະທຳຈີເລ - ຫວຽດນາມ ເຖິງສະຫະສະມາຄົມບັນດາອົງການຈັດຕັ້ງມິດຕະພາບຫວຽດນາມ, ກ່າວປະນາມການກະທຳຂອງຈີນ ທີ່ໄດ້ລ່ວງລ້ຳອະທິປະໄຕຂອງຫວຽດນາມ ຢ່າງຮ້າຍແຮງ, ລະເມີດກົດໝາຍສາກົນ ແລະ ນາບຂູ່ສັນຕິພາບ, ສະຖຽນລະພາບ ຢູ່ພາກພື້ນ ແລະ ສາກົນຢ່າງຮ້າຍແຮງ.