(ພາບ: vov)
(vovworld)- ຕອນເຊົ້າວັນທີ 19/5, ຢູ່ບັນດາເຂດປຸງແຕ່ງສົ່ງອອກ, ເຂດອຸດສາຫະກຳນະຄອນໂຮ່ຈິມິນ, 100% ວິສາຫະກິດຖືກຜົນສະທ້ອນໂດຍບັນດາພາກສ່ວນຫົວຮຸນແຮງທຳລາຍເມື່ອກາງອາທິດກ່ອນ ໄດ້ຟື້ນຟູການຜະລິດເປັນປົກກະຕິ. ບັນດາວິສາຫະກິດໄຕຫວັນ, ຈີນ ແມ່ນບັນດາຫົວໜ່ວຍຜັນຂະຫຍາຍການເຄື່ອນໄຫວຜະລິດດຳເນີນທຸລະກິດໄວກ່ວາໝູ່. ທ່ານຫວຸ້ວັນຮ່ວາ, ຫົວໜ້າຄະນະຄຸ້ມຄອງບັນດາເຂດປຸງແຕ່ງສົ່ງອອກ, ເຂດອຸດສາຫະກຳນະຄອນໂຮ່ຈິມິນ ໃຫ້ຮູ້ວ່າ:
“ບັນດາວິສາຫະກິດຕ້ອງມີຄວາມເຊື່ອໝັ້ນຕໍ່ລັດ, ກົດໝາຍຫວຽດນາມ ຊື່ງຍາມໃດກໍ່ຮ່ວມເດີນທາງ, ປົກປ້ອງຜົນປະໂຫຍດອັນຊອບທຳຂອງບັນດານັກລົງທຶນ. ໂດຍແມ່ນອົງການຄຸ້ມຄອງແຫ່ງລັດໃນບັນດາເຂດປຸງແຕ່ງສົ່ງອອກ, ເຂດອຸດສາຫະກຳ, ຍາມໃດພວກຂ້າພະເຈົ້າກໍ່ໜູນຊ່ວຍແກ້ໄຂຄວາມຫຍຸ້ງຍາກ, ຂໍ້ຕິດຂັດຂອງວິສາຫະກິດ, ສ້າງສະພາບແວດລ້ອມແຫ່ງການລົງທຶນທີ່ປອດໃສ, ປອດໄພຢູ່ນະຄອນ “
ສ້າງເງື່ອນໄຂສະດວກໃຫ້ແກ່ກຳມະກອນຈີນຢູ່ຮ່າຕິ້ງກັບເມືອປະເທດຕາມຂໍ້ສະເໜີຂອງນັກປະມູນ
ພາຍຫຼັງເຫດການເກີດຂຶ້ນຢູ່ໂຄງການ Formosa, ເຂດເສດຖະກິດຫວຸ້ງອາງ, ແຂວງຮ່າຕິ້ງ, ອຳນາດການປົກຄອງທ້ອງຖິ່ນ ແລະ ບັນດາອົງການມີສ່ວນກ່ຽວຂ້ອງໄດ້ຮີບເຮັ່ງ, ຕັ້ງໜ້າຜັນຂະຫຍາຍຫຼາຍມາດຕະການຊ່ວຍເຫຼືອ, ໜູນຊ່ວຍບັນດາອົງການຈັດຕັ້ງ, ສ່ວນບຸກຄົນຂອງຕ່າງງປະເທດ ແລະ ຫວຽດນາມ ທີ່ຖືກເສຍຫາຍດ້ານສຸຂະພາບ ແລະ ຊັບສິນ; ເພີ່ມທະວີບັນດາມາດຕະການຮັບປະກັນຄວາມສະຫງົບປອດໄພ, ຄວາມເປັນລະບຽບຮຽບຮ້ອຍ, ຮັກສາການຜະລິດ ແລະ ຊີວິດການເປັນຢູ່ໃນເຂດ ໂຄງການ Formosa ແລະ ບັນດາໂຄງການອື່ນໃນເຂດເສດຖະກິດຫວຸ້ງອາງ ເປັນປົກກະຕິ. ປະຈຸບັນ, ສະພາບໄດ້ກັບຄືນຄວາມເປັນປົກກະຕິແລ້ວ.
ເຈົ້າໜ້າທີ່, ບັນດານັກປະມູນ, ວິສາວະກອນ ແລະ ກຳມະກອນຈີນ ລ້ວນແຕ່ຮັບຮູ້, ຂອບອົກຂອບໃຈອຳນາດການປົກຄອງທ້ອງຖິ່ນ ແລະ ບັນດາຫົວໜ່ວຍກ່ຽວຂ້ອງ ທີ່ໄດ້ແກ້ໄຂເຫດການຢ່າງວ່ອງໄວ, ເຂັ້ມງວດ ແລະ ມີປະສິດທິຜົນ./.