ບັນດາເປົ້າໝາຍພັດທະນາແບບຍືນຍົງຂອງຫວຽດນາມແມ່ນບົດຮຽນອັນລ້ຳຄ່າສຳລັບບັນດາປະເທດ
ທ່ານປະທານສະພາແຫ່ງຊາດຫວຽດນາມ ຫງວຽນຊີງຮຸ່ງ ໄດ້ເຂົ້າຮ່ວມ
ວາລະປຶກສາຫາລື
ພາບ:TTXVN
|
(vovworl)- ຕອນເຊົ້າວັນທີ 2/9 ຕາມເວລາຫວຽດນາມ, ທ່ານປະທານສະພາແຫ່ງຊາດຫວຽດນາມ ຫງວຽນຊີງຮຸ່ງ ໄດ້ເຂົ້າຮ່ວມ ແລະເປັນປະທານຮ່ວມ ວາລະປຶກສາຫາລື ກ່ຽວກັບຫົວເລື່ອງ: “ການປະສານສົມທົບບັນດາເປົ້າໝາຍພັດທະນາແບບຍືນຍົງໃນວິວັດການຮັບຮອງເອົາງົບປະມານ, ບົດບາດຂອງລັດຖະສະພາໃນການຕິດຕາມກວດກາຢູ່ລະດັບຊາດ ແລະ ທົ່ວໂລກ. ກ່າວຄຳເຫັນທີ່ວາລະປືກສາຫາລື, ທ່ານປະທານສະພາແຫ່ງຊາດ ຫງວຽນຊີງຮຸ່ງ ໃຫ້ຮູ້ວ່າ: ຫວຽດນາມ ໄດ້ປະຕິບັດບັນດາເປົ້າໝາຍພັດທະນາສະຫັດສະວັດສຳເລັດຜົນ, ເປັນຕົ້ນແມ່ນວຽກງານລົບລ້າງຄວາມອຶດຫິວຫລຸດຜ່ອນຄວາມທຸກຍາກ ແລະ ພວມມານະພະຍາຍາມປະຕິບັດບັນດາເປົ້າໝາຍພັດທະນາແບບຍືນຍົງ. ເພື່ອປະຕິບັດບັນດາເປົ້າໝາຍພັດທະນາ, ທ່ານປະທານສະພາແຫ່ງຊາດຫວຽດນາມ ຫງວຽນຊີງຮຸ່ງ ໃຫ້ຮູ້ວ່າ:
“ສະພາແຫ່ງຊາດ ມີບົດບາດສຳຄັນໃນການຈັດແບ່ງງົບປະມານ, ແຫລ່ງກຳລັງ. ຫວຽດນາມ ກຳນົດ ຖືມະນຸດແມ່ນແຫລ່ງກຳລັງຕົ້ນຕໍ, ຖືແຫລ່ງກຳລັງພາຍໃນເປັນເສົາຄ້ຳ. ຄຽງຄູ່ກັນນັ້ນ ເພີ່ມທະວີ, ເປີດກວ້າງການຮ່ວມມືສາກົນ, ເພື່ອຮັກສາເອກະລາດ, ອະທິປະໄຕ, ຮັບປະກັນປະຊາທິປະໄຕ ແລະ ຮັບມືກັບການປ່ຽນແປງຂອງດິນຟ້າອາກາດຢ່າງມີປະສິດທິຜົນ. ບັນດາທັດສະນະນີ້ຂອງຫວຽດນາມ ກໍຄ້າຍຄືກັນກັບບັນດາເປົ້າໝາຍພັດທະນາລວມຊື່ງ ສປຊ ໄດ້ວາງອອກ.”
ຕອນເຊົ້າວັນດຽວກັນ, ທ່ານປະທານສະພາແຫ່ງຊາດ ຫງວຽນຊີງຮຸ່ງ ໄດ້ເປັນເຈົ້າພາບງານລ້ຽງເນື່ອງໃນໂອກາດສະເຫລີມສະຫລອງ 70 ປີແຫ່ງວັນການປະຕິວັດເດືອນສິງຫາ ແລະ ວັນຊາດຫວຽດນາມທີ 2/9 ຢູ່ ສຳນັກງານ ສປຊ ໂດຍມີການເຂົ້າຮ່ວມຂອງບັນດາເຈົ້າຫນ້າທີ່ການທູດ, ເພື່ອນມິດສາກົນ.