ກຳປັ່ນ, ເຮືອເຂົ້າທຽບຝັ່ງລີກພະຍຸ
(ພາບ:vov.vn )
(vovworld)- ຕອນບ່າຍວັນທີ 13/10 ທ່ານຮອງນາຍົກລັດຖະມົນຕີຮ່ວາງຈຸງຫາຍ ເປັນປະທານການປະຊຸມໂດຍກົງທາງເຄືອຂ່າຍອິນເຕີແນັດລະຫວ່າງຄະນະຊີ້ນຳປ້ອງກັນຕ້ານພະຍຸນ້ຳຖ້ວມສູນກາງກັບ 11 ທ້ອງຖິ່ນຈາກແຂວງແທງຮວາ ເຖິງແຂວງຟູອຽນ ເພື່ອປຶກສາຫາລືວິທີການຮັບມືກັບພະຍຸເລກທີ 11 (ພະຍຸນາຣີ). ທ່ານຮອງນາຍົກລັດຖະມົນຕີຮ່ວາງຈຸງຫາຍ ຮຽກຮ້ອງໃຫ້ກຳລັງທະຫານປ້ອງກັນຊາຍແດນ ແລະ ອຳນາດການປົກຄອງບັນດາແຂວງ, ນະຄອນ, ຈົ່ງຮີບເຮັ່ງຮຽກຮ້ອງກຳປັ່ນ, ເຮືອ ກັບເມືອບ່ອນລີ້ໄພ, ເດັດດ່ຽວບໍ່ໃຫ້ ປຊຊ ຢູ່ໃນກຳປັ່ນ, ກະຊັງລ້ຽງປູກສິນໃນນ້ຳ. ທ່ານຮອງນາຍົກລັດຖະມົນຕີຮ່ວາງຈຸງຫາຍ ຕັກເຕືອນທ້ອງຖິ່ນຕ່າງໆ ທີ່ພະຍຸອາດຈະພັດເຂົ້າ ຕ້ອງລະດົມກຳລັງມີແຜນການຍົກຍ້າຍ ປຊຊ ຢູ່ເຂດລຸ່ມແມ່ນ້ຳອອກຈາກເຂດອັນຕະລາຍ, ຮັບປະກັນຄວາມປອດໄພດ້ານຊີວິດອິນຊີໃຫ້ແກ່ ປຊຊ. ວັນທີ 14/10, ກະຊວງກະສິກຳ ແລະ ພັດທະນາຊົນນະບົດ ຈັດ ຄະນະປະຕິບັດງານ 2 ຄະນະໄປບັນດາແຂວງທາງພາກກາງຫວຽດນາມ ເພື່ອກວດກາໜອງ, ຝາຍນຳລົ້ນ ແລະ ວຽກງານຮັບມືກັບພະຍຸນາຣີ.