ບຸນປີໃໝ່ປະຈຳຊາດລາວ-ກຳປູເຈຍ-ໄທ-ມຽນມາ ຢູ່ນະຄອນໂຮ່ຈິມິນ
(ພາບ:tinmoi.vn)
(vovworld)- ບຸນປີໃໝ່ປະຈຳຊາດລາວ-ກຳປູເຈຍ-ໄທ-ມຽນມາ ໄດ້ຈັດຂຶ້ນໃນຕອນເຊົ້າວັນທີ 12/4 ຢູ່ນະຄອນໂຮ່ຈິມິນ ໂດຍມີການເຂົ້າຮ່ວມຂອງຜູ້ຕາງໜ້າສະຖານກົງສູນ 4 ປະເທດ ພ້ອມດ້ວຍນັກສຶກສາລາວ-ກຳປູເຈຍ-ໄທ-ມຽນມາ ທີ່ພວມດຳລົງຊີວິດ, ຮ່ຳຮຽນຢູ່ນະຄອນໂຮ່ຈິມິນ ເປັນຈຳນວນຫຼວງຫຼາຍ. ງານບຸນແມ່ນໜຶ່ງໃນບັນດາການເຄື່ອນໄຫວຂອງສະຫະພັນບັນດາອົງການຈັດຕັ້ງມິດຕະພາບນະຄອນໂຮ່ຈິມິນ ຈັດຂຶ້ນເປັນປະຈຳປີ ເພື່ອແນໃສ່ຊຸກຍູ້ຄວາມເຂົ້າອົກເຂົ້າໃຈຊື່ງກັນ ແລະ ກັນລະຫວ່າງຫວຽດນາມ ກັບບັນດາປະເທດບ້ານໃກ້ເຮືອນຄຽງ, ເພີ່ມທະວີການພົບປະແລກປ່ຽນດ້ານວັດທະນະທຳ, ການຮ່ວມມືຫຼາຍດ້ານລະຫວ່າງຫວຽດນາມ ເວົ້າລວມ ແລະ ນະຄອນໂຮ່ຈິມິນ ກັບບັນດາປະເທດເພື່ອນມິດທີ່ສະໜິດສະໜົມ. ເພື່ອນ Nuth Sovanara ນັກສຶກສາກຳປູເຈຍ ພວມຮຽນຢູ່ມະຫາວິທະຍາໄລແພດສາດ-ການຢານະຄອນໂຮ່ຈິມິນ ແບ່ງປັນວ່າ:
“ນ້ອງໄດ້ເຂົ້າຮ່ວມງານບຸນໂດຍສະຫະພັນບັນດາອົງການຈັດຕັ້ງມິດຕະພາບນະຄອນໂຮ່ຈິມິນ ຈັດຕັ້ງຂຶ້ນໃຫ້ແກ່ຊາວລາວ-ກຳປູເຈບ-ໄທ-ມຽນມາ. ແຕ່ລະປີເຂົ້າຮ່ວມ, ນ້ອງກໍ່ມີຄວາມພາກພູມໃຈທີ່ສຸດ ຍ້ອນວ່າຢູ່ນີ້ນ້ອງຕ້ອງຕ້ອນຮັບປີໃໝ່ໄກຈາກຄອບຄົວ. ນ້ອງມີຄວາມຕື້ນຕັນໃຈທີ່ສຸດ ແລະ ມັນໄດ້ຊ່ວຍນ້ອງບັນເທົາຄວາມຄິດຮອດຄິດເຖິງຄອບຄົວ“