ບັນລະຍາຍກ່ຽວກັບທະເລຕາເວັນອອກຢູ່ເຊັກໂກ
(ພາບ: congdong.cz)
(vovworld) – ວັນທີ 04/12, ສະຖານທູດ ຫວຽດນາມ ປະຈຳ ສ.ເຊັກໂກ ສົມທົບກັບສະຖາບັນພົວພັນຕ່າງປະເທດ ຫວຽດນາມ ຈັດຕັ້ງການບັນລະຍາຍດ້ານຫົວເລື່ອງສະເພາະ “ທະເລຕາເວັນອອກ - ຄວາມເສລີໃນການພົວພັນດ້ານການຄ້າທາງທະເລ ແລະ ທາງອາກາດສາກົນ” ຢູ່ສຳນັກງານສະຖານທູດ ຫວຽດນາມ ປະຈຳນະຄອນຫລວງ Praha. ກ່າວຄຳເຫັນທີ່ພິທີໄຂ, ທ່ານ ເຈືອງແມ້ງເຊີນ ເອກອັກຄະລັດຖະທູດ ຊີ້ແຈ້ງວ່າ: ປະຈຸບັນ, ທະເລຕາເວັນອອກ ເວົ້າລວມ, ພິເສດ ແມ່ນ 2 ໝູ່ເກາະ ຮ່ວາງຊາ ແລະ ເຈື່ອງຊາ, ພວມແມ່ນຈຸດສຸມຂອງການແກ່ງແຍ້ງທີ່ສົບສົນລະຫວ່າງບາງປະເທດແຄມທະເລ. ທ່ານ ເອກອັກຄະລັດຖະທູດ ເຈືອງແມ້ງເຊີນ ເນັ້ນໜັກວ່າ: ໂດຍອີງຕາມເອກະສານ, ແຜນທີ່ ທີ່ມີລັກສະນະປະຫວັດສາດ ແລະ ວິທະຍາສາດຂອງສາກົນແລ້ວ ແລະ ຄຸ້ມຄອງຕົວຈິງຂອງຕົນ, ຫວຽດນາມ ໄດ້ຢືນຢັນອະທິປະໄຕເຊິ່ງບໍ່ອາດໂຕ້ຖຽງກັນໄດ້ສຳລັບ 2 ໝູ່ເກາະ ເຈື່ອງຊາ ແລະ ຮ່ວາງຊາຂອງຕົນ.
ບົດບັນລະຍາຍດັ່ງກ່າວ ໄດ້ຕອບສະໜອງຂ້ໍມູນຂ່າວສານໃຫ້ປະຊາຄົມຊາວ ຫວຽດນາມ ຕື່ມອີກ ແລະ ຫາງສຽງຢູ່ ເຊັກໂກກ່ຽວກັບທັດສະນະ, ນະໂຍບາຍຂອງລັດ ຫວຽດນາມ ສຳລັບບັນຫາຄວາມເສລີໃນການເດີນທະເລ, ທາງອາກາດສາກົນບົນທະເລຕາເວັນອອກ; ອະທິປະໄຕຂອງ ຫວຽດນາມ ສຳລັບ 2 ໝູ່ເກາະ ຮ່ວາງຊາ ແລະ ເຈື່ອງຊາ.