(ພາບ:dantri.com.vn)
(vovworld)- ວັນທີ 28/9, ທ່ານປະທານປະເທດ Truong Tan Sang ໄດ້ຝາກຈົດໝາຍອວຍພອນພວກຫຼານເຍົາວະຊົນ, ອະນຸຊົນທົ່ວປະເທດ ໃນໂອກາດບຸນວັນເພງເດືອນ 8/ 2012. ໃນຈົດໝາຍ, ທ່ານປະທານປະເທດ Truong Tan Sang ສະແດງຄວາມຫວັງວ່າ ພວກຫຼານເຍົາວະຊົນ, ອະນຸຊົນໃນທົ່ວປະເທດ, ພວກຫຼານຊາວຫວຽດນາມ ຢູ່ຕ່າງປະເທດ, ແລະ ພວກຫຼານຊາວຕ່າງປະເທດຢູ່ຫວຽດນາມ ໄດ້ຕ້ອນຮັບບຸນວັນເພງເດືອນ 8 ໃນຄວາມເບີດບານມ່ວນຊື່ນ, ເຕັມໄປດ້ວຍຄວາມສາມັກຄີ. ທ່ານປະທານຢືນຢັນວ່າ, ພັກ, ລັດຫວຽດນາມ, ຄອບຄົວ ແລະ ສັງຄົມຍາມໃດກໍ່ໃຫ້ຄວາມເອົາໃຈໃສ່, ເບິ່ງແຍງພິເສດ ເພື່ອໃຫ້ພວກຫຼານມີເງື່ອນໄຂໄດ້ຮຳ່ຮຽນຫຼໍ່ຫຼອມດີທີ່ສຸດ. ທ່ານປະທານປະເທດ Truong Tan Sang ຫວັງວ່າ ພວກຫຼານເຍົາວະຊົນ, ອະນຸຊົນຈະຕັ້ງໜ້າຫຼໍ່ຫຼອມຕົນເອງ, ສາມັກຄີ, ຊ່ວຍເຫຼືອພວກເພື່ອນທີ່ປະສົບກັບຄວາມຫຍຸ້ງຍາກ, ເປັນຫຼານຄຳຮູ້ ເພື່ອກາຍເປັນພົນລະເມືອງທີ່ມີປະໂຫຍດໃຫ້ແກ່ຄອບຄົວ ແລະ ສັງຄົມ, ປະກອບສ່ວນປົກປັກຮັກສາ ແລະ ສ້າງສາປະເທດຫວຽດນາມ.
ກ່ອນໜ້ານັ້ນລາຍການ “ລາຕີງານບຸນໄຫ້ວພະຈັນມຸ້ງໄປສູ່ເດັກນ້ອຍເຈື່ອງຊາ ແລະ ເຂດທະເລໝູ່ເກາະທີ່ຮັກແພງ“ ໄດ້ດຳເນີນໄປໃນຕອນຄ່ຳວັນທີ 27/9 ຢູ່ເມືອງເກາະເຈື່ອງຊາ ແຂວງແຄງຮົວ. ທີ່ງານບຸນ, ພວກນ້ອງໄດ້ຮັບຟັງຈົດໝາຍອວຍພອນບຸນເວັນເພັງເດືອນ 8 ຂອງປະທານປະເທດ Truong Tan Sang, ໄດ້ຮັບຂອງຂວັນ, ເຂົ້າຮ່ວມການລະຫຼິ້ນພື້ນເມືອງ, ສະແດງສິລະປະ, ຊົມຟ້ອນສິງໂຕ, ຕຸກ ກະຕາ. ທ່ານ Nguyen Viet Thuan ຮອງປະທານຄະນະກຳມະການປະຊາຊົນເມືອງເກາະເຈື່ອງຊາ ແຂວງແຄງຮົວ ໃຫ້ຮູ້ວ່າ:
“ການຈັດຕັ້ງງານບຸນໄຫ້ວພະຈັນມຸ້ງໄປສູ່ເດັກນ້ອຍເຈື່ອງຊາ ແລະ ເຂດທະເລໝູ່ເກາະ ແມ່ນໂອກາດເພື່ອໃຫ້ປະຊາຊົນໃນທົ່ວແຂວງແຄງຮົວ, ພິເສດແມ່ນພວກນ້ອງເຂົ້າໃຈກ່ຽວກັບເຈື່ອງຊາ ຫຼາຍກ່ວາອີກ. ຈາກນັ້ນຈະຍົກສູງຄວາມຮັບຜິດຊອບໃນການຮ່ຳຮຽນ, ພວກນ້ອງສູ້ຊົນເພື່ອກາຍເປັນພົນລະເມືອງຮັບໃຊ້ເຈື່ອງຊາ ໃນອະນາຄົດ“
ໃນຕອນຄ່ຳຂອງວັນດຽວກັນ, ລາຍການ “ດວງພະຈັນເພື່ອນອ້ງ“ ດ້ວຍຈຸດປະສົງການກຸສົນກໍ່ໄດ້ຈັດຂຶ້ນຢູ່ຮ່າໂນ້ຍ. ເນື່ອງໃນໂອກາດນີ້, ທ່ານຮອງນາຍົກລັດຖະມົນຕີ Nguyen Xuan Phuc ໄດ້ມອບຂອງຂວັນໃຫ້ເດັກນ້ອຍທີ່ຕາງໜ້າໃຫ້ 5 ເມືອງຊານນະຄອນຮ່າໂນ້ຍ ແລະ ມອບຂອງຂັວນໃຫ້ແກ່ເດັກນ້ອຍປະສົບກັບຄວາມຫຍຸ້ງຍາກ 20 ຄົນ.
ຢູ່ແຂວງກອນຕຸມ, ເດັກນ້ອຍປະສົບກັບຄວາມຫຍຸ້ງຍາກ 100 ຄົນມາຈາກ 9 ຕາແສງຂອງນະຄອນກອນຕຸມ ໄດ້ເຂົ້າຮ່ວມບຸນວັນເພັງເດືອນ 8 ທີ່ເຕັມໄປດ້ວຍຄວາມມ່ວນຊື່ນໃນລາຍການ “ງານບຸນໄຫວ້ພະຈັນເພື່ອນ້ອງປີ 2012“ ຊື່ງຈັດຂຶ້ນໃນຕອນຄ່ຳວັນທີ 27/9. ນອກຈາກນັ້ນ, ອຳນາດການປົກຄອງທ້ອງຖິ່ນຕ່າງໆ,ບັນດາອົງການຈັດຕັ້ງໃນທົ່ວປະເທດກໍ່ພວມຜັນຂະຫຍາຍບັນດາການເຄື່ອນໄຫວຊ່ວຍເດັກນ້ອຍເຂດຫ່າງໄກສອກຫລີກ ເພື່ອຕ້ອນຮັບບຸນວັນເພັງເດືອນ 8 ຢ່າງມີຄວາມໝາຍເຊັ່ນດຽວກັນ.