ລັດຖະບານ ເກຼັກ ແລະ ບັນດາທະນາຄານພາກເອກະຊົນ ໂດຍແມ່ນສະຖາບັນການເງິນສາກົນ ແມ່ນຕາງຫນ້າຜົນປະໂຫຍດ ບໍ່ສາມາດຊອກໄດ້ສຽງເວົ້າລວມໃນການແກ້ໄຂບ້ວງຫນິ້ສິນຂອງປະເທດນີ້. ບັນດານັກການເງິນບໍ່ເປັນເອກະພາບໃນເລື່ອງລົບລ້າງ ເຄິ່ງຫນຶ່ງ ບ້ວງຫນິ້ສິນ ແລະ ຍັງຄົງຢາກຊອກຫາບັນດາມາດຕະການເພື່ອຫລຸດຜ່ອນຄວາມເສຍຫາຍໃຫ້ແກ່ຕົນເອງ. ຍ້ອນບໍ່ບັນລຸໄດ້ຂໍ້ຕົກລົງດັ່ງກ່າວ, ເກຼັກກອາດຈະບໍ່ໄດ້ຮັບທຶນຈາກການປ່ອຍເງິນໃນຄັ້ງຕໍ່ໄປໃນຂອບເຂດໂຄງການຫນູນຊ່ວຍຄັ້ງທີ 2 ຊຶ່ງປະເທດນີ້ບັນລຸໄດ້ໃນທ້າຍເດືອນ 10 ປີກ່າຍ ລວມມູນຄ່າ 130 ຕຶ້ເອີໂຣ. ເງ່ືອນໄຂຂອງໂຄງການຫນູນຊ່ວຍທີ 2 ແມ່ນເກຼັກຕ້ອງຫລຸດຜ່ອນ ເຄິ່ງຫນຶ່ງຂອງບ້ວງຫນິ້ ແລະ ຕ້ອງຫລຸດຜ່ອນບ້ວງຫນິ້ລົງເຫລືອ 120% ຍອດຜະລິດຕະພັນພາຍໃນ GDP ເຖິງປີ 2020. ບັນດາອົງການສາກົນ ຮຽກຮ້ອງໃຫ້ບັນດາທະນາຄານ ແລະ ກອງເງິນລົງທຶນຮັບຮູ້ການຫັນປ່ຽນຫນັງສືທີ່ມີມູນຄ່າມາເປັນບ້ວງຫນິ້ສິນໄລຍະຍາວ ແລະ ພັດທະບັດນ້ອຍ. ສະຖານບັນສາກົນປາດຖະຫນາວ່າພັນທະບັດຈະກວມປະມານ 4 -5%, ໃນຂະນະນັ້ນ ກອງທຶນເງິນຕາສາກົນ IMF ສະເຫນີວ່າ ຕົວເລກນີ້ຕ້ອງຕຳ່ກວ່າ 4%. ບັນດາການເຈລະຈາຈະໄດ້ຮັບການເຊື່ອມຕໍ່ໃນອາທິດນີ້ ເຖິງຢ່າງໃດກໍຕາມ, ໝາກຜົນຂອງການເຈລະຈາອາດຈະບໍ່ບັນລຸໄດ້ຄວາມຄືບຫນ້າໃນບັນຫານີ້.