(ພາບປະກອບ)
(vovworld) – ວັນທີ 29/1 (ວັນທີ 2 ຂອງບຸນເຕັດ) ນັກທ່ອງທ່ຽວທີ່ມາຈາກທຸກສາລະທິດ ແລະ ຊາວນະຄອນຫຼວງ ຮ່າໂນ້ຍ ເປັນຈຳນວນຫຼວງຫຼາຍໄດ້ມາສະໜາມຫຼວງ ບາດິ່ງ ປະຫວັດສາດ, ເຂົ້າສຸສານອາໄລຫາປະທານ ໂຮ່ຈີມິນ. ນີ້ແມ່ນໂອກາດເພື່ອໃຫ້ປະຊາຊົນ ຫວຽດນາມ ສະແດງຄວາມເຄົາລົບນັບຖືຕໍ່ຜູ້ນຳທີ່ແສນເຄົາລົບຮັກຂອງຊາດ ຫວຽດນາມ, ແລະ ມຸ່ງຫາກົກເຄົ້າເຫງົ້າກໍ. ໄລ່ຮອດເວລາ 8 ໂມງ ເຊົ້າ, ວັນທີ 29/1, ຢູ່ເຂດສຸສານປະທານ ໂຮ່ຈີມິນ ໄດ້ມີແຂກເກືອບ 1000 ເທື່ອຄົນເຂົ້າອາໄລຫາ ແລະ ຢ້ຽມຢາມເຂດປູຊະນີຍະສະຖານ. ອ້າຍ ຫງວຽນວັນຈີ, ຢູ້ແຂວງ ຮ່ານາມ, ໃຫ້ຮູ້ວ່າ:
“ມື້ນີ້ເປັນເທື່ອທຳອິດທີ່ຂ້າພະເຈົ້າໄດ້ພາຄອບຄົວມາຢ້ຽມຢາມສຸສານປະທານ ໂຮ່ຈີມິນ. ຂ້າພະເຈົ້າຮູ້ສຶກພາກພູມໃຈເພາະວ່າຕົ້ນປີໄດ້ມາຢາມສຸສານປະທານ ໂຮ່ຈີມິນ. ຜູ້ໃດກໍ່ຫວັງໄດ້ເຫັນປະຈັກຕາລຸງ ໂຮ່ ແລະ ໄດ້ຈູດທູບທຽນອາໄລຫາເພິ່ນ. ພວກຂ້າພະເຈົ້າຢາກສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ປະທານ ໂຮ່ຈີມິນທີ່ແສນເຄົາລົບຮັກໃນໂອກາດຄືແນວນີ້“.
ແລະກໍ່ໃນ 2 ວັນຕົ້ນປີໃໝ່, ເຂດປູຊະນີຍະສະຖານ ວິຫານ ຮຸ່ງ ໄດ້ຕ້ອນຮັບແຂກມາຢາມ, ຖະຫວາຍທູບທຽນ, ອາໄລຫາບັນດາເຈົ້າຊີວິດ ຮຸ່ງ, ຜູ້ທີ່ມີບຸນຄຸນໃນການກໍ່ຕັ້ງປະເທດເປັນຈຳນວນຫຼວງຫຼາຍ. ມີນັກທ່ອງທ່ຽວຫຼາຍຄົນແບ່ງປັນວ່າ, ບຸນເຕັດປີໃດ, ເຂົາເຈົ້າກໍ່ພ້ອມກັບຄອບຄົວມາຍັງວິຫານຮຸ່ງ ເພື່ອຖະຫວາຍເຄື່ອງຂອງບູຊາ, ສະແດງຄວາມຮູ້ບຸນຄຸນຕໍ່ບັນພະບຸລຸດ ແລະ ພາວະນາຂໍໃຫ້ປີໃໝ່ມີຄວາມຢູ່ເຢັນເປັນສຸກ.