(ພາບປະກອບ)
(vovworld) – ສືບຕໍ່ບຸລິມະສິດໜູນຊ່ວຍຫລຸດຜ່ອນຄວາມທຸກຍາກ, ຮັບປະກັນຊີວິດສັງຄົມ, ພັດທະນາເສດຖະກິດ - ສັງຄົມເຂດຊົນເຜົ່າສ່ວນໜ້ອຍ ແລະ ເຂດພູດອຍ. ນີ້ແມ່ນຄຳຢືນຢັນ ແລະ ຄຳໝັ້ນສັນຍາຂອງບັນດາຜູ້ແທນທີ່ກອງປະຊຸມສົ່ງເສີມການລົງທຶນ ແລະ ການຊ່ວຍເຫຼືອພັດທະນາເສດຖະກິດສັງຄົມ ແລະ ເຂດພູດອຍ ໂດຍຄະນະກຳມະການຊົນເຜົ່າສົມທົບກັບສະຫະສະມາຄົມບັນດາອົງການມິດຕະພາບ ຫວຽດນາມ ຈັດຕັ້ງໃນຕອນເຊົ້າວັນທີ 10/12 ຢູ່ຮ່າໂນ້ຍ. ບັນດາຜູ້ແທນຕີລາຄາວ່າ ຜ່ານ 2 ປີປະຕິບັດແຜນຮ່າງ “ເພີ່ມທະວີການຮ່ວມມືສາກົນ ໜູນຊ່ວຍພັດທະນາເສດຖະກິດ - ສັງຄົມເຂດຊົນເຜົ່າສ່ວນໜ້ອຍ” ຂອງລັດຖະບານ, ບັນດາທ້ອງຖິ່ນໄດ້ຜັນຂະຫຍາຍຫລາຍໂຄງການໜູນຊ່ວຍໃຫ້ພໍ່ແມ່ປະຊາຊົນຊົນເຜົ່າສ່ວນໜ້ອຍເຂດພູດອຍ, ເຂດຫ່າງໄກສອກຫຼີກຢ່າງມີປະສິດທິຜົນ. ທ່ານ ດົນຕ໋ວນຟອງ, ຮອງປະທານທັງເປັນເລຂາທິການໃຫຍ່ສະຫະສະມາຄົມບັນດາອົງການມິດຕະພາບ ຫວຽດນາມ ຖືວ່າ:
“ໃນໄລຍະຈະມາເຖິງ, ພວກເຮົາຄວນສຸມໃສ່ຫລາຍກ່ວາອີກ ໃນການຈັດຕັ້ງປະຕິບັດບັນດາແຜນນະໂຍບາຍ, ນະໂຍບາຍເຊິ່ງມີຢູ່ແລ້ວ, ເອົາໃຈໃສ່ເປັນພິເສດ ຍົກສູງກຳລັງຄວາມສາມາດໃຫ້ອຳນາດການປົກຄອງທ້ອງຖິ່ນ, ປະຊາຊົນ ແລະ ປະຊາຄົມ ເພື່ອນຳໃຊ້ແຫຼ່ງກຳລັງລົງທຶນເຂົ້າເຂດພູດອຍ, ພໍ່ແມ່ປະຊາຊົນຊົນເຜົ່າສ່ວນໜ້ອຍຢ່າງມີປະສິດທິຜົນ. ກ່ຽວກັບຈຸດໝາຍຍາວນານ, ຍູ້ແຮງກາລະໂອກາດສຳຜັດກັບບັນດາໂອກາດ ແລະ ຂໍ້ມູນຂ່າວສານ ເພື່ອໃຫ້ປະຊາຊົນກຳໄດ້ ແລະ ເປັນເຈົ້າການແກ້ໄຂ”.