(ທ່ານນາງລັດຖະມົນຕີວ່າການກະຊວງແຮງງານ
ທະຫານເສຍອົງຄະ ແລະ ສັງຄົມ ຟ້າມທິຫາຍຈ່ວຽນ)
(vovworld) - ຍ້ອນມາດຕະຖານກ່ຽວກັບຄວາມທຸກຍາກ ແມ່ນ 400.000 ດົ່ງ/ຄົນ/ເດືອນສຳລັບເຂດຊົນນະບົດ ແລະ 500.000 ດົ່ງ/ຄົນ/ເດືອນສຳລັບເຂດຕົວເມືອງໃນປະຈຸບັນແມ່ນບໍ່ເໝາະສົມອີກ. ດັ່ງນັ້ນ, ປີ 2015 ກະຊວງແຮງງານ ທະຫານເສຍອົງຄະ ແລະ ສັງຄົມ ຈຶ່ງເປັນເສນາທິການໃຫ້ລັດຖະບານ ສ້າງມາດຕະຖານກ່ຽວກັບຄວາມທຸກຍາກໃໝ່ໃຫ້ໄລຍະ 2016-2020. ຕາມທ່ານນາງລັດຖະມົນຕີວ່າການກະຊວງແຮງງານທະຫານເສຍອົງຄະ ແລະ ສັງຄົມ ຟ້າມທິຫາຍຈ່ວຽນ ແລ້ວ, ພ້ອມກັບບັນດາມາດຕະຖານຄວາມທຸກຍາກໃໝ່, ບັນດາມາດຕະການ, ນະໂຍບາຍໃໝ່ທີ່ປະກາດໃຊ້ໃນໄລຍະຈະມາເຖິງ ຈະປະກອບສ່ວນຈຳກັດສະພາບຄວາມທຸກຍາກຄືນໃໝ່ໃນປະຈຸບັນ:
“ເພື່ອແກ້ໄຂນະໂຍບາຍໃຫ້ບັນດາເປົ້າໝາຍທຸກຍາກ, ພວກຂ້າພະເຈົ້າໄດ້ເປັນເສນາທິການໃຫ້ລັດຖະບານສຸມໃສ່ແຫຼ່ງກຳລັງເພື່ອແກ້ໄຂຄວາມຫຍຸ້ງຍາກດ້ານໂຄງລ່າງໃຫ້ບັນດາເມືອງ, ຕາແສງເຂດຊົນເຜົ່າສ່ວນໜ້ອຍ, ຊ່ວຍໃຫ້ເຂົາເຈົ້າມີເງື່ອນໄຂເພື່ອພັດທະນາການຜະລິດ; ພ້ອມທັງຫຼຸດຜ່ອນນະໂຍບາຍຊ່ວຍເຫຼືອລ້າ, ແທນທີນັ້ນແມ່ນນຳໃຊ້ນະໂຍບາຍໃຫ້ກູ້ຢືມທຶນ. ປີ 2015, ພວກຂ້າພະເຈົ້າສືບຕໍ່ວຽກງານສ້າງມາດຕະຖານກ່ຽວກັບຄວາມທຸກຍາກໃໝ່. ຜ່ານນັ້ນ, ມີເງື່ອນໄຂເພື່ອຕີລາຄາຢ່າງຮອບດ້ານກວ່າ ແລະ ເໝາະສົມກັບທ່າອ່ຽງລວມຂອງສາກົນ“