ປີ 2017 ສ້າງທ່າໃຫ້ວິສາຫະກິດພັດທະນາ
(ພາບປະກອບ)
(vovworld) - ໂດຍມີການປະຕິຮູບຢ່າງແຮງຂອງລັດຖະບານ, ຈຳນວນວິສາຫະກິດຈົດທະບຽນສ້າງຕັ້ງໃນປີ 2016 ບັນລຸລະດັບສະຖິຕິແມ່ນ 110.100 ວິສາຫະກິດ, ດ້ວຍຈຳນວນທຶນໃຫ້ຄຳໝັ້ນສັນຍານຳເຂົ້າຕະຫຼາດແມ່ນເພີ່ມຂຶ້ນກວ່າ 48% ເມື່ອທຽບໃສ່ໄລຍະດຽວກັນຂອງປີ 2015. ນີ້ແມ່ນກຳລັງໜູນໃຫ້ແກ່ການພັດທະນາເສດຖະກິດໃນປີ 2017 ແລະ ໃນຊຸມປີຕໍ່ໆໄປ. ທ່ານນາງ ເຈິ່ນທິຮົ່ງມິງ, ຫົວໜ້າກົມຄຸ້ມຄອງຈົດທະບຽນດຳເນີນທຸລະກິດ, ກະຊວງແຜນການ ແລະ ການລົງທຶນ, ໃຫ້ຮູ້ວ່າ:
“ເພື່ອຮັກສາທ່າເຕີບໂຕວິສາຫະກິດໃນປີ 2017 ໄວ້ຢ່າງໝັ້ນຄົງ, ຂ້າພະເຈົ້າຖືວ່າ, ຝ່າຍລັດຖະບານ, ບັນດາອົງການລັດຖະບານສືບຕໍ່ປະຕິບັດບັນດາຂໍ້ກຳນົດຂອງກົດໝາຍວ່າດ້ວຍວິສາຫະກິດ, ກົດໝາຍວ່າດ້ວຍການລົງທຶນ ກໍ່ຄືບັນດາເອກະສານແນະນຳປະຕິບັດອື່ນໆ ເພື່ອສ້າງເງື່ອນໄຂສະດວກກວ່າໃຫ້ວິສາຫະກິດເມື່ອເຂົ້າຮ່ວມຕະຫຼາດເຄື່ອນໄຫວ ກໍ່ຄືຖອນອອກຈາກຕະຫຼາດ. ຄຽງຂ້າງນັ້ນແມ່ນປະຕິບັດບັນດາມາດຕະການຂອງລັດຖະບານທີ່ກ່ຽວຂ້ອງເຖິງເລື່ອງສືບຕໍ່ສ້າງສະພາບແວດລ້ອມແຫ່ງການດຳເນີນທຸລະກິດໃຫ້ສະດວກກວ່າ ກໍ່ຄືສ້າງບັນດາມາດຕະການເພື່ອໜູນຊ່ວຍວິສາຫະກິດໃຫ້ພັດທະນາກວ່າໃນໄລຍະຈະມາເຖິງ, ພິເສດແມ່ນໃນປີ 2017“.