ພາບປະກອບ
(vovworld) - ວັນທີ 24/5, ສະພາທີ່ປຶກສາປົກປ້ອງດ້ານການຄ້າ ສັງກັດສູນ WTO -ຫ້ອງການການຄ້າ ແລະ ອຸດສາຫະກຳ ຫວຽດນາມ ໄດ້ຈັດຕັ້ງກອງປະຊຸມສຳມະນາພາຍໃຕ້ຫົວຂໍ້ວ່າ: ຍື່ນໃບຮ້ອງຟ້ອງເຖິງສານອາເມລິກາ ແລະ WTO ເພື່ອປົກປ້ອງຜົນປະໂຫຍດໃນການສົ່ງອອກສິນຄ້າ ຕໍ່ຫນ້າບັນດາມາດຕະການຕ້ານການຂາຍບຸບລາຄາ - ຕ້ານການຫນູນຊ່ວຍ ຢູ່ ອາເມລິກາ, ພຶດຕິກຳຕົວຈິງ ແລະ ບົດຮຽນ”. ຕາມການສັງເກດຈາກບັນດາຜູ້ຊ່ຽວຊານເສດຖະກິດແລ້ວ, ໃນຊຸມປີຕໍ່ໄປ ບັນດາປະເພດສິນຄ້າຄື: ເຄື່ອງຕຳແຜ່ນຕັດຫຍິບ, ເຄື່ອງເຟີນີເຈີ, ເຄື່ອງສິລະປະຫັດຖະກຳ, ເຫລັກກ້າ ອາດຈະຖືກຈັດເຂົ້າບັນຊີລາຍຊື່ປະເພດສິນຄ້າຂາຍບຸບລາຄາຫລາຍກວ່າໝູ່. ນອກນັ້ນ ບາງປະເພດສິນຄ້າໃຫມ່ຄື: ທາດເຄມີ, ຜະລິດຕະພັນເຄື່ອງກົນຈັກ, ໄຟຟ້າ, ຢາງປະລາສະຕິກ ອາດຈະຖືກສືບສວນ. ຫນຶ່ງໃນບັນດາເຄື່ອງມືທາງດ້ານກົດໝາຍມີປະສິດທິຜົນທີ່ສຸດເພື່ອໃຫ້ບັນດາປະເທດສົ່ງອອກປົກປ້ອງຜົນປະໂຫຍດອັນຊອບທຳຂອງຕົນແມ່ນອີງໃສ່ການຕັດສິນຂອງສານອາເມລິກາ ຫລື ກົນໄກແກ້ໄຂການພິພາດຂອງອົງການການຄ້າໂລກ. ທີ່ກອງປະຊຸມສຳມະນາ, ທະນາຍຄວາມ William Barringer ທີ່ປຶກສາດ້ານການຄ້າໂລກ ໄດ້ເຈາະຈີ້ມໃຫ້ບັນດາວິສາຫະກິດ ແລະ ບັນດາອົງການຂອງລັດຖະບານ ຫວຽດນາມ ກ່ຽວກັບເນື້ອໃນຕ້ອງຄິດໄລ່ຊັ່ງຊາ ເມື່ອຕັດສິນສົ່ງໃບຮ້ອງຟ້ອງເຖິງສານຂອງອາເມລິກາ ຫລື ອົງການການຄ້າໂລກ. ທະນາຍຄວາມ William Barringer ໃຫ້ຮູ້ວ່າ:
“ ທຳອິດຕ້ອງມີລະບຽບການກ່ຽວກັບການສືບສວນທາງການຢ່າງຄົບຖ້ວນ. ນີ້ແມ່ນລະບຽບການຈຳເປັນໃນກໍລະນີເຂົາເຈົ້າຢາກຮ້ອງຟ້ອງຕໍ່ WTO ແລະ ສານຂອງອາເມລິກາ. ບັນຫາທີສອງ ເມື່ອຄວາມຮຽກຮ້ອງຂອງລັດຖະບານ ຕ້ອງມີການຮ້ອງຟ້ອງ ຢູ່ WTO ເຂົາເຈົ້າຕ້ອງຫນູນຊ່ວຍລັດຖະບານໃນການກະກຽມສຳເນົາເອກະສານ.”