(ພາບ:qdnd.vn)
(vovworld)- ກອງປະຊຸມສຳມະນາ “ປົກປ້ອງສິດ ແລະ ຜົນປະໂຫຍດຂອງພົນລະເມືອງດ້ວຍການແກ້ໄຂການຮ້ອງທຸກບໍລິຫານ” ໂດຍສະຖານບັນວິທະຍາສາດກວດກາ ຂຶ້ນກັບອົງການກວດກາລັດຖະບານ ສົມທົບກັບສະຖານບັນ KSA ຂອງ ສ.ເຢຍລະມັນ ຈັດຕັ້ງເມື່ອຕອນເຊົ້າວັນທີ 5/7 ຢູ່ຮ່າໂນ້ຍ. ບັນດາຜູ້ແທນເຂົ້າຮ່ວມກອງປະຊຸມສຳມະນາ ຖືວ່າ: ເພື່ອຍົກສູງປະສິດທິຜົນໃນການແກ້ໄຂການຮ້ອງທຸກ, ກ່າວຟ້ອງບໍລິຫານ ຕ້ອງກຳນົດທີ່ຕັ້ງ ແລະ ບົດບາດຂອງວຽກງານດັ່ງກ່າວຢ່າງຖືກຕ້ອງ; ເພີ່ມທະວີການໂຄສະນາເພື່ອແນໃສ່ສ້າງການຫັນປ່ຽນອັນຕັ້ງໜ້າໃນການຮັບຮູ້ດ້ານກົດໝາຍຂອງພະນັກງານ ແລະ ປຊຊ. ທ່ານຫງວຽນຕວນແຄງ, ຮອງຫົວໜ້າສະຖານບັນວິທະຍາສາດກວດກາ ສະເໜີວ່າ:
“ທີໜຶ່ງແມ່ນພວກເຮົາສ້ງຕັ້ງລະບຽບການປົກປ້ອງລັດຖະທຳມະນູນອາຊີບ. ຂ້າພະເຈົ້າສະເໜີໃຫ້ໃນການສ້າງຕັ້ງສະພາປົກປ້ອງລັດຖະທຳມະນູນ ຫລືສະພາລັດຖະທຳມະນູນ ຄວນພິຈາລະນາໃນແງ່ມຸມການຮ້ອງທຸກຂອງ ປຊຊ. ທີສອງແມ່ນສຳລັບລະບຽບການບໍລິຫານ, ອະນຸຍາດໃຫ້ ປຊຊ ຮ້ອງທຸກດ້ວຍເອກະສານິຕິກຳ, ທີສາມແມ່ນເພີ່ມສິດອຳນາດໃຫ້ບັນດາອົງການກວດກາຂອງລັດ ແລະ ສຸດທ້າຍຕ້ອງຍົກສູງລະດັບວິຊາສະເພາະດ້ານຄຸ້ມຄອງລັດຂອງຖັນແຖວພິພາກສາບໍລິຫານ”.