(vovworld) - ພິທີສະເຫຼີມສະຫຼອງ 100 ປີແຫ່ງວັນຄ້າຍວັນເກີດນັກວິລະຊົນ ຫຼີຕື້ຈ້ອງ ໄດ້ຈັດຂຶ້ນໃນຕອນເຊົ້າວັນທີ 20/10, ຢູ່ນະຄອນ ໂຮ່ຈີມິນ ໂດຍສູນກາງຊາວໜຸ່ມກອມມູນິດ ໂຮ່ຈີມິນ ຈັດຕັ້ງ.
ຫຼີຕື້ຈ້ອງ ແມ່ນຊາວໜຸ່ມກອມມູນິດຜູ້ທຳອິດຂອງຄະນະຊາວໜຸ່ມກອມມູນິດ ໂຮ່ຈີມິນ. ນັກຮົບປະຕິວັດທີ່ໜຸ່ມແໜ້ນ ດ້ວຍຈິດໃຈອັງອາດກະຫານໄດ້ເສຍສະຫຼະຊີວິດເມື່ອອາຍຸພຽງ 17 ປີ ແລະ ມີຊີວິດອະມະຕະຢູ່ໃນຈິດໃຈຂອງໄວໜຸ່ມລຸ້ນປະຈຸບັນຕະຫຼອດໄປ. ພິທີປຸກລະດົມແມ່ນຄຳຮຽກຮ້ອງໄວໜຸ່ມ ແລະ ຄະນະຊາວໜຸ່ມທຸກຊັ້ນໃນທົ່ວປະເທດປະຕິບັດຕາມແບບຢ່າງຂອງນັກວິລະຊົນ ຫຼີຕື້ຈ້ອງ ແລະ ສະມາຊິກຊາວໜຸ່ມທີ່ດີເດັ່ນລຸ້ນກ່ອນ. ສະມາຊິກຊາວໜຸ່ມແຕ່ລະຄົນຕ້ອງຊອກຮູ້, ໃຊ້ຄວາມຄິດ ແລະ ເຄື່ອນໄຫວຕາມຄຳສັ່ງສອນຂອງລຸງ ໂຮ່ ຕັກເຕືອນທີ່ວ່າ “ເສັ້ນທາງຂອງຊາວໜຸ່ມ ມີພຽງເສັ້ນທາງປະຕິວັດເທົ່ານັ້ນ”. ຊາວໜຸ່ມ, ເຍົາວະຊົນໃນທ່ົວປະເທດໄດ້ຮ່ວມແຮງຮ່ວມໃຈຕອບສະໜອງການປຸກລະດົມສະໜັບສະໜູນການກໍ່ສ້າງເຂດອະນຸສາວາລີ ສະຫາຍ ຫຼີຕື້ຈ້ອງ ຢູ່ບ້ານເກີດ ຮ່າຕິ້ງ. ພ້ອມນັ້ນ, ສູນກາງຊາວໜຸ່ມປຸກລະດົມການຂົນຂວາຍ “ສ້າງຄຸນຄ່າຕົວແບບຊາວໜຸ່ມໃນໄລຍະໃໝ່”, ຮຽກຮ້ອງໃຫ້ຊາວໜຸ່ມໃນທົ່ວປະເທດ ຝຶກຝົນຫຼໍ່ຫຼອມ ສຸ້ຊົນເພື່ອອຸທິດສ່ວນໃຫ້ປະເທດຊາດ.