(VOVWORLD) - ຕອນເຊົ້າວັນທີ 27 ພະຈິກ, ຄະນະຊີ້ນໍາວຽກງານຖະແຫຼງຂ່າວໃຫ້ຕ່າງປະເທດ, ຄະນະໂຄສະນາສຶກສາສູນກາງ ແລະ ສະຖານີໂທລະພາບຫວຽດນາມ ໄດ້ຈັດຕັ້ງກອງປະຊຸມຖະແຫຼງຂ່າວ ປຸກລະດົມການເສັງຊີງລາງວັນທົ່ວປະເທດ ກ່ຽວກັບວຽກງານຖະແຫຼງຂ່າວໃຫ້ຕ່າງປະເທດ ປີ 2019.
 ທ່ານ ບຸ່ຍເຈື່ອງຢາງ - ຮອງຫົວໜ້າຄະນະໂຄສະນາສຶກສາສູນກາງ ກ່າວຄໍາເຫັນທີ່ກອງປະຊຸມຖະແຫຼງຂ່າວ |
ການເສັງດັ່ງກ່າວ ແມ່ນເພື່ອແນໃສ່ສືບຕໍ່ຮັບຮູ້ ແລະ ຊົມເຊີຍບັນດາຜູ້ຂຽນ, ຜະລິດຕະພັນສື່ມວນຊົນ ແລະ ປື້ມອ່ານດີເລີດໃນຂົງເຂດຖະແຫຼງຂ່າວໃຫ້ຕ່າງປະເທດ; ພ້ອມທັງປະກອບສ່ວນໂຄສະນາ, ແຜ່ຂະຫຍາຍບັນດາຜົນງານການເມືອງ - ການຕ່າງປະເທດ, ເສດຖະກິດ, ວັດທະນະທໍາ-ສັງຄົມ ຂອງປະເທດຊາດ; ໂຄສະນາກ່ຽວກັບປະເທດຫວຽດນາມ ຂະຫຍັນຂັນເຄື່ອນ, ເປັນເຈົ້າການ, ຕັ້ງໜ້າເຊື່ອມໂຍງເຂົ້າກັບສາກົນ ແລະ ແມ່ນສະມາຊິກຕັ້ງໜ້າ, ມີຄວາມຮັບຜິດຊອບຂອງປະຊາຄົມສາກົນ.
ຜະລິດຕະພັນສື່ມວນຊົນໄດ້ຮັບລາງວັນ ແມ່ນບັນດາບົດໜັງສືພິມ, ໜັງສືພິມເອເລັກໂຕນິກ, ລາຍການກະຈາຍສຽງ, ໂທລະພາບ... ທີ່ຖືກແຕ່ງໂດຍພາສາຫວຽດນາມ ແລະ ພາສາຕ່າງປະເທດ ແລະ ໄດ້ລົງໃນບັນດາສື່ມວນຊົນ ແລະ ພິມຈໍາໜ່າຍທັງຢູ່ພາຍໃນ ແລະ ຕ່າງປະເທດໃນໄລຍະແຕ່ວັນທີ 1 ມັງກອນ 2019 ຫາວັນທີ 31 ທັນວາ 2019.