ປຸກລະດົມລາຍການ “ເພື່ອນັກຮຽນ ເກາະເຈື່ອງຊາທີ່ຮັກແພງ” ຢູ່ລັດເຊຍ
(ພາບປະກອບ:dantri.com.vn)
(vovworld)- ຕອນບ່າຍວັນທີ 25/6, ຢູ່ສະຖານທູດຫວຽດນາມ ປະຈຳລັດເຊຍ, ທ່ານນາງເຈືອງໝີຮວາ ອະດີດຮອງປະທ່ານປະເທດຫວຽດນາມ, ປະທານລາຍການ “ເພື່ອນັກຮຽນເຈື່ອງຊາທີ່ຮັກແພງ” ໄດ້ມີການພົບປະກັບປະຊາຄົມຊາວຫວຽດນາມ ພວມດຳລົງຊີວິດ, ຮ່ຳຮຽນ ແລະ ເຮັດວຽກຢູ່ລັດເຊຍ ເພື່ອແນໃສ່ສະຫລຸບໄລຍະທີ 1 ແລະ ປຸກລະດົມໄລຍະທີ 2 ຂອງໂຄງການ. ທ່ານນາງເຈືອງໝີຮວາ ໃຫ້ຮູ້ວ່າ: ພາຍຫລັງໄດ້ປຸກລະດົມລາຍການ “ເພື່ອນັກຮຽນເຈື່ອງຊາທີ່ຮັກແພງ” ມາເປັນເວລາ 6 ເດືອນ, ບັນດາວິສາຫະກິດ, ສ່ວນບຸກຄົນໃນທົ່ວທຸກແຫ່ງຂອງປະເທດໄດ້ປະກອບເງິນຈຳນວນເກືອບ 12 ຕື້ດົ່ງ, ໃນນັ້ນຊາວຫວຽດນາມ ອາໄສຢູ່ຕ່າງປະເທດປະກອບເກືອບ 2 ຕື້ດົ່ງ. ຈຳນວນເງິນດັ່ງກ່າວໄດ້ໃຊ້ເພື່ອກໍ່ສ້າງໂຮງຮຽນປະຖົມເທດສະບານເມືອງເຈື່ອງຊາ ໃນເກາະເຈື່ອງຊາໃຫ່ຍ. ຄະນະຊີ້ນຳລາຍການໄດ້ຕົກລົງປຸກລະດົມໄລຍະທີ 2 ຂອງບໍລິຈາກເງິນເພື່ອສືບຕໍ່ກໍ່ສ້າງໂຮງຮຽນປະຖົມແຫ່ງທີ 2 ໃນເມືອງເກາະເຈື່ອງຊາ ແລະ ລັດເຊຍແມ່ນປະເທດທຳອິດໃນຈຳນວນບັນດາປະເທດເອີລົບທີ່ຄະນະປະຕິບັດງານມາເພື່ອປຸກລະດົມການບໍລິຈາກເງິນໃຫ້ແກ່ ລາຍການ “ເພື່ອນັກຮຽນເຈື່ອງຊາທີ່ຮັກແພງ”.