ປຸກລະດົມລາຍການເຂົ້າຮ່ວມການເຄື່ອນໄຫວຕ່າງໆພ້ອມກັບມໍລະດົກວັດທະນະທຳບໍ່ມີຮູບຮ່າງຫວຽດນາມປີ2016
(ພາບປະກອບ: hanoimoi.com.vn)
(vovworld) - ຕອນບ່າຍວັນທີ 18/08, ກອງທຶນວັດທະນະທຳຮ່າໂນ້ຍ ໄດ້ປຸກລະດົມລາຍການ “ກັບເມື່ອບ້ານເກີດເມືອງນອນ - ເຂົ້າຮ່ວມການເຄື່ອນໄຫວຕ່າງໆພ້ອມກັບມໍລະດົກວັດທະນະທຳບໍ່ມີຮູບຮ່າງຫວຽດນາມ ປີ 2016”. ຮູບການຈັດຕັ້ງລາຍການໃຫ້ກຸ່ມໄວໜຸ່ມເຂົ້າຮ່ວມບັນດາການເຄື່ອນໄຫວຕ່າງໆຢູ່ບັນດາມໍລະດົກ, ຢູ່ສະຖານທໄດ້ຮັບການກຳເນີດ, ພັດທະນາ ແລະ ຫັນປ່ຽນ. ເນື້ອໃນການເຄື່ອນໄຫວໄດ້ຮັບການຄັດເລືອກຈາກແຫຼ່ງຊັບພະຍາກອນມໍລະດົກວັດທະນະທຳທີ່ອຸດົມສົມບຸນຂອງຮ່າໂນ້ຍ ເວົ້າສະເພາະ ແລະ ຫວຽດນາມ ເວົ້າລວມ. ທ່ານ ດິງແທງຕຽນ, ຢູ່ບ້ານຟ້ອນຕຸກກະຕານ້ຳ ດ່າວທູກ ໃຫ້ຮູ້ວ່າ.
“ເລື່ອງເສີມຂະຫຍາຍ ແລະ ຮັກສາສິລະປະທີ່ເປັນມູນເຊື້ອຂອງຫວຽດນາມ ແມ່ນໜຶ່ງໃນບັນດາບັນຫາຕ້ອງໄດ້ຮັບຄວາມເອົາໃຈໃສ່. ກອງທຶນວັດທະນະທຳຮ່າໂນ້ຍ ໄດ້ສົມທົບກັບບ້ານຟ້ອນຕຸກກະຕານ້ຳ ດ່າວທູກ ປະຕິບັດລາຍການເຂົ້າຮ່ວມການເຄື່ອນໄຫວຕ່າງໆພ້ອມກັບມໍລະດົກວັດທະນະທຳບໍ່ມີຮູບຮ່າງນີ້ ເພື່ອແນໃສ່ແນະນຳໃຫ້ເພື່ອນໜຸ່ມກ່ຽວກັບສິລະປະທີ່ເປັນມູນເຊື້ອໃຫ້ຫຼາຍກວ່າ”.