ປຸກລະດົມລາຍການ “ເຈື່ອງຊາຂຽວ” ໄລຍະ 2016 – 2018
(ພາບ: Minh Châu/dangcongsan.vn)
|
(vovworld) – ຕອນບ່າຍວັນທີ 10/3, ຢູ່ຮ່າໂນ້ຍ, ສູນກາງຄະນະຊາວໜຸ່ມກອມມູນິດ ໂຮ່ຈີມິນ ໄດ້ສົມທົບກັບເຫຼົ່າທັບເຮືອ ປຸກລະດົມລາຍການ “ເຈື່ອງຊາຂຽວ” ໄລຍະ 2016 – 2018. ລາຍການເພື່ອແນໃສ່ຫັນບັນດາການເຄື່ອນໄຫວຂອງບັ້ນຂົນຂວາຍ “ສາຍໃຈເຂດຊາຍແດນ,ທະເລໝູ່ເກາະ” ເປັນລະອຽດ, ເສີມຂະຫຍາຍກຳລັງແຮງສັງລວມໃນວຽກງານໂຄສະນາ, ຂົນຂວາຍໄວໜຸ່ມໃນທົ່ວປະເທດຕັ້ງໜ້າເຂົ້າຮ່ວມພາລະກິດປົກປັກຮັກສາອະທິປະໄຕທະເລ, ໝູ່ເກາະ ແລະ ເພີ່ມທະວີຄວາມສາມັກຄີສະໜິດຕິດພັນລະຫວ່າງສະມາຊິກຊາວໜຸ່ມ, ຊາວໜຸ່ມໃນທົ່ວປະເທດກັບປະຊາຊົນ, ພະນັກງານ, ນັກຮົບເມືອງເກາະ ເຈື່ອງຊາ.
ຄາດວ່າ, ໃນປີ 2016, ສູນກາງຄະນະຊາວໜຸ່ມ ສືບຕໍ່ຕິດຕາມຜົນງານ, ບຸລະນະສ້ອມແປງອຸປະກອນກັ່ນນຳ້ທະເລເປັນນຳ້ຈືດ ທີ່ພວມນຳໃຊ້ໃນເກາະ ເຈື່ອງຊາດົງ… ອ້າຍ ເຈີ່ນຫວູແທ່ງ, ປະທານສະໂມສອນປັກຍາຊົນໜຸ່ມ ຮ່າໂນ້ຍ ຂຶ້ນກັບສະຫະພັນບັນດາສະມາຄົມວິທະຍາສາດເຕັກນິກ ຮ່າໂນ້ຍ, ໃຫ້ຮູ້ວ່າ:
“ພວກຂ້າພະເຈົ້າເຫັນວ່າ: ອຸປະກອນກັ່ນຳ້ທະເລ ເປັນນຳ້ຈືດມີຄວາມໝາຍຮັບໃຊ້ຊີວິດການເປັນຢູ່ໃຫ້ແກ່ພະນັກງານ, ນັກຮົບດີທີ່ສຸດ, ຍ້ອນວ່າໝູ່ເກາະ ເຈື່ອງຊາ ເຄີຍຖືກແຫ້ງແລ້ງເປັນເວລາ 5 ເດືອນໃນປີ ດັ່ງນັ້ນຂາດແຄນນຳ້ຈືດຫຼາຍ. ເມື່ອນຳໃຊ້ອຸປະກອນກັ່ນນຳ້ນີ້ມັນຈະຕອບສະໜອງຄວາມຕ້ອງການດ້ວຍນຳ້ຈືດຕາມມາດຕະຖານຢ່າງພຽງພໍໃຫ້ແກ່ນັກຮົບ ແລະ ປະຊາຊົນໃນເກາະ ເຈື່ອງຊາ ໃນຊຸມເດືອນແຫ້ງແລ້ງ.”