(ພາບປະກອບຈາກ Hữu Việt/TTXVN)
|
(vovworld) - ຕອນເຊົ້າວັນທີ 15/3, ຢູ່ນະຄອນວຸງເຕົ່າ (ແຂວງບ່າເຣ້ຍ - ວຸງເຕົ່າ). ຄະນະຊີ້ນຳສັບປະດາຮັບປະກັນຄວາມປອດໄພ, ອະນາໄມໃນການອອກແຮງງານ-ປ້ອງກັນ, ຕ້ານອັກຄີໄພແຫ່ງຊາດສູນກາງ, ໄດ້ຈັດພິທີປຸກລະດົມສັບປະດາຮັບປະກັນຄວາມປອດໄພ, ອະນາໄມໃນການອອກແຮງງານ-ປ້ອງກັນ, ຕ້ານອັກຄີໄພ ຄັ້ງທີ 17 ປີ 2015, ດ້ວຍຫົວຂໍ້ ”ວິສາຫະກິດແຕ່ລະແຫ່ງ, ຜູ້ອອກແຮງງານແຕ່ລະຄົນເປັນເຈົ້າການນຳໃຊ້ບັນດາມາດຕະການປ້ອງກັນ, ຕ້ານອຸບັດຕິເຫດໃນການອອກແຮງງານ, ອັກຄີໄພເພື່ອປ້ອງກັນຕົນເອງ, ວິສາຫະກິດ ແລະ ສັງຄົມ”. ສັບປະດານີ້ ເພື່ອແນໃສ່ຮຽກຮ້ອງບັນດາວິສາຫະກິດ, ຜູ້ນຳໃຊ້ແຮງງານ, ຜູ້ອອກແຮງງານ ແລະ ທົ່ວສັງຄົມຮ່ວມແຮງ, ຮ່ວມໃຈ, ພ້ອມກັນກະທຳເພື່ອປະຕິບັດວຽກງານຮັບປະກັນຄວາມປອດໄພ, ອະນາໄມໃນການອອກແຮງງານ ແລະ ປ້ອງກັນ, ຕ້ານອັກຄີໄພໃຫ້ດີ. ທ່ານນາງ ເລທິຈາງດ່າຍ, ຫົວໜ້າພະແນກແຮງງານ, ທະຫານເສຍອົງຄະ ແລະ ສັງຄົມແຂວງຮ່າເຣ້ຍ - ວຸງເຕົ່າ, ໃຫ້ຮູ້ວ່າ:
“ຫົວຂໍ້ປີນີ້ລະອຽດພໍສົມຄວນ ແລະ ແທດຈິງກວ່າ. ຂ້າພະເຈົ້າຄິດວ່ານີ້ກໍ່ແມ່ນວິທີເພື່ອໃຫ້ພວກເຮົາປ່ຽນໃໝ່ວິໄສທັດ, ຈີນຕະນາການ ແລະ ການກະທຳ. ເຖິງຢ່າງໃດກໍ່ຕາມ, ບໍ່ໝາຍຄວາມວ່າພຽງແຕ່ອີງໃສ່ເຫດການນີ້ເທົ່ານັ້ນ, ຫາກພວກເຮົາຍັງຄົງສືບຕໍ່ໂຄສະນາດ້ານກົດໝາຍ ກໍ່ຄືສືບຕໍ່ກວດກາ, ຕິດຕາມກວດກາ ແລະ ຈັດຕັ້ງກອງປະຊຸມສຳມະນາ, ການເຝິກອົບຮົມອີກ ເພື່ອແບ່ງປັນບົດຮຽນເຖິງຜູ້ອອກແຮງງານ “