ປຸກລະດົມເດືອນກະທຳເພື່ອຄວາມສະເໝີພາບລະຫວ່າງຍິງ-ຊາຍແລະປ້ອງກັນຕ້ານການໃຊ້ຄວາມຮຸນແຮງທາງເພດ
ການປຸກລະດົມເດືອນກະທຳເພື່ອຄວາມສະເໝີພາບລະຫວ່າງຍິງ - ຊາຍ
ແລະ ປ້ອງກັນຕ້ານການໃຊ້ຄວາມຮຸນແຮງທາງເພດ
(vovworld) - ຕອນເຊົ້າວັນທີ 13/11 ຢູ່ໂຮງລະຄອນໃຫຍ່, ນະຄອນ ຮ່າໂນ້ຍ, ກະຊວງແຮງງານ - ທະຫານເສຍອົງຄະ ແລະ ສັງຄົມ, ຄະນະກຳມະການແຫ່ງຊາດເພື່ອຄວາມກ້າວໜ້າຂອງແມ່ຍິງ ຫວຽດນາມ ສົມທົບກັບຫ້ອງການສະຫະປະຊາຊາດປະຈຳ ຫວຽດນາມ, ຄະນະກຳມະການປະຊາຊົນນະຄອນ ຮ່າໂນ້ຍ ຈັດຕັ້ງການປຸກລະດົມເດືອນກະທຳເພື່ອຄວາມສະເໝີພາບລະຫວ່າງຍິງ - ຊາຍ ແລະ ປ້ອງກັນຕ້ານການໃຊ້ຄວາມຮຸນແຮງທາງເພດ.
ກ່າວຄຳເຫັນທີ່ພິທີປຸກລະດົມ, ທ່ານ ຫງວຽນຈ້ອງດ່າມ ຮອງລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຢືນຢັນວ່າ: ເລື່ອງປັບປຸງນະໂຍບາຍກົດໝາຍຂອງລັດ, ພ້ອມກັບຄວາມມານະພະຍາຍາມຂອງທຸກຂັ້ນ, ທຸກຂະແໜງການ ພິເສດແມ່ນຄວາມພະຍາຍາມຂອງແມ່ຍິງເອງໄດ້, ນຳມາໃຫ້ຜົນງານຫລາຍຢ່າງໃນການປະຕິບັດຄວາມສະເໝີພາບລະຫວ່າງຍິງ - ຊາຍຢູ່ ຫວຽດນາມ ແລະ ໄດ້ຮັບການຕີລາຄາສູງຈາກປະຊາຊົນສາກົນ. ທ່ານ ຫງວຽນຈ້ອງດ່າມ ຮອງລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມໃຫ້ຮູ້ວ່າ:
“ແນວຄິດຕາຍຕົວຈຳແນກການປະພຶດລະຫວ່າງຍິງ - ຊາຍ ກໍ່ແມ່ນສາຍເຫດທີ່ພາໄປເຖິງການໃຊ້ຄວາມຮຸນແຮງສຳລັບແມ່ຍິງ ແລະ ເດັກຍິງ. ປະເທດໜຶ່ງທີ່ເຂັ້ມແຂງ, ມີຄວາມຍຸຕິທຳ, ບໍ່ມີຄວາມທຸກຍາກອຶດຫິວ ແລະ ບໍ່ມີຜູ້ໃດຖືກຖອຍຫລັງ ແມ່ນຄວາມມຸ່ງຫວັງອັນຊອບທຳຂອງແຕ່ລະຄົນ. ຄວາມໄຝ່ຝັນນັ້ນ ຈະປະກົດຜົນເປັນຈິງໂດຍໄວ ຖ້າຫາກວ່າພວກເຮົາທຸກຄົນພ້ອມກັນຮ່ວມແຮງຮ່ວມໃຈເພີ່ມພູນຄູນສ້າງດ້ວຍຄວາມຮັບຜິດຊອບ ແລະ ນ້ຳໃຈຮັກເພງຢ່າງຄົບຖ້ວນ”.