ປຸກລະດົມເດືອນ“ເພື່ອຄົນທຸກຍາກ”ປີ2016
(vovworld)- ເນື່ອງໃນໂອກາດວັນ “ຕ້ານໄພອຶດຫິວສາກົນ” ແລະ ວັນ “ເພື່ອຄົນທຸກຍາກຫວຽດນາມ”, ຕອນເຊົ້າ ວັນທີ 17/10, ຢູ່ຮ່າໂນ້ຍ, ໄດ້ດຳເນີນພິທີປຸກລະດົມເດືອນ “ເພື່ອຄົນທຸກຍາກ” (ແຕ່ວັນທີ 17/10-18/10/2016). ໃນ 15 ປີຜ່ານມາ, ກອງທຶນເພື່ອຄົນທຸກຍາກ 4 ຂັ້ນ ໄດ້ຮັບເງິນສະໜັບສະໜູນຄົນທຸກຍາກ ຈຳນວນ 11.450 ຕື້ດົ່ງ. ບັນດາຜົນງານດັ່ງກ່າວມີຄວາມໝາຍສຳຄັນ ທາງດ້ານການເມືອງ ສັງຄົມ ແລະ ວັດທະນະທຳມະນຸດ ປະກອບສ່ວນເຮັດໃຫ້ ປະເທດຫວຽດນາມ ນັບມື້ນັບມີປະສິດທິພາບດ້ານສັງຄົມກ່ວາ, ມູນເຊື້ອສາມັກຄີຊ່ວຍເຫຼືອເຊິ່ງກັນ ແລະ ກັນຂອງຂຊາວຫວຽດນາມສືບຕໍ່ໄດ້ຮັບການຢັ້ງຢືນ. ກ້າວເຂົ້າສູ່ໄລຍະໃໝ່, ຫວຽດນາມ ຍັງມີບັນດາສິ່ງທ້າຍທາຍ ເພາະມາດຕະຖານຄວາມທຸກຍາກ ໄດ້ປ່ຽນແປງໃໝ່ ດ້ວຍ 14 ລ້ານຄົນ ພວມດຳລົງຊີວິດໃນສະພາບທຸກຍາກ ແລະ ປະສົບຄວາມທຸກຍາກ, ຍ້ອນແນວນັ້ນ ແຕ່ລະຄົວເຮືອນຕ້ອງການໄດ້ຮັບການໜູນຊ່ວຍຂອງລັດ ແລະ ທົ່ວສັງຫຼາຍທີ່ສຸດ. ກ່າວຄວາມເຫັນນະທີ່ນີ້, ທ່ານ ຮອງນາຍົກລັດຖະມົນຕີຫວຽດນາມ ເວືອງດິ່ງເຫ້ວ ເຊື່ອໝັ້ນວ່າ: ການຂົນຂວາຍສະໜັບສະໜູນກອງທຶນ “ເພື່ອຄົນທຸກຍາກ” ໂດຍຄະນະກຳມະການສູນກາງແນວໂຮມປະເທດຫວຽດນາມ ປຸກລະດົມຈະໄດ້ຮັບການຕອບສະໜອງຈາກ ປະຊາຄົມ ສັງຄົມພາຍໃນ ແລະ ຕ່າງປະເທດ ຢ່າງກ້ວາງຂວາງກວ່າອີກ, ປະກອບສ່ວນປະຕິບັດຄາດໝາຍເປັນປະເທດຫຼຸດພົ້ນອອກຈາກຄວາມທຸກຍາກແບບຍືນຍົງ.
ຫຼຸດຜ່ອນຄວາມທຸກຍາກແບບຍືນຍົງ ຕາມມາດຕະຖານຄວາມທຸກຍາກຫຼາຍດ້ານ ແມ່ນໜຶ່ງໃນແຜນນະໂຍບາຍໃຫຍ່ໃນປັດຈຸບັນຂອງພັກ, ລັດຫວຽດນາມ. ພັກ, ລັດ ມີແຜນນະໂຍບາຍພັດທະນາເສດຖະກິດ ຕິດພັນກັບຄວາມກ້າວໜ້າ, ຍຸດຕິທຳໃນສັງຄົມ; ສົ່ງເສີມທົ່ວປວງຊົນ ເຂົ້າຮ່ວມບັນດາການຂົນຂວາຍ, ຂະບວນການສະໜັບສະໜູນ, ຊ່ວຍເຫຼືອປະຊາຊົນຜູ້ທຸກຍາກປະຊາຊົນປະສົບໄພທຳມະຊາດ, ທັງສ້າງເງື່ອນໄຂສົ່ງເສີມຜູ້ທຸກຍາກ ມີເຈດຈຳນົງບືນຕົວຂື້ນ ຫຼຸດອອກຈາກຄວາມທຸກຍາກ, ສ້າງຄວາມຮັ່ງມີເທື່ອລະກ້າວ, ຄ່ອຍຮັດແຄບຊ່ອງວ່າງຄວາມຮັງມີ-ທຸກຍາກ ລະຫວ່າງ ບັນດາເຂດ, ປະຊາຊົນທຸກຊັ້ນວັນນະ … ພາລະກິດນີ້ ຈະໄດ້ຮັບການແກ້ໄຂສຳເລັດ ເມື່ອມີລະດົມ ກຳລັງແຮງສັງລວມ ຂອງທົ່ວປວງຊົນ, ທົ່ວລະບົບການເມືອງ; ເສີມຂະຫຍາຍກຳລັງພາຍໃນສົມທົບ ກັບການຊ່ວຍເຫຼືອຂອງເພື່ອນມິດສາກົນໄດ້ເທົ່ານັ້ນ.
ທີ່ພິທີປຸກລະດົມ, ຕາງໜ້າບັນດາຄະນະ, ຂະແໜງ, ອົງການຈັດຕັ້ງມະຫາຊົນຂັ້ນສູນກາງ ໄດ້ຕອບສະໜອງການສະໜັບສະໜູນກອງທຶນ “ເພື່ອຄົນທຸກຍາກ” ສູນກາງ ຜ່ານການສົ່ງຂໍ້ຄວາມ ຫາໝາຍເລກ 1400 ແລະ ມອບເງິນສະໜັບສະໜູນ ຜ່ານກອງທຶນເພື່ອຄົນທຸກຍາກສູນກາງ ກວ່າ 17 ຕື້ດົ່ງ.