(ພາບ:thanhnien.com.vn)
(vovworld)- ວັນທີ 7/9, ຜູ້ແຫ່ຂະບວນປະທ້ວງຊາວອາເມລິກາ ປະມານ 200 ຄົນໄດ້ເຕົ້າໂຮມກັນຢູ່ຕໍ່ໜ້າທຳນຽບຂາວ ແລະ ເດີນຂະບວນຮອດສຳນັກງານສະພາແຫ່ງຊາດອາເມລິກາ ເພື່ອຄັດຄ້ານແຜນການຂອງອຳນາດການປົກຄອງປະເທດນີ້ ຢາກບຸກໂຈມຕີດ້ານການທະຫານແນ່ໃສ່ຊີຣີ. ນີ້ແມ່ນໜຶ່ງໃນບັນດາການເດີນຂະບວນແຫ່ໃນທົ່ວປະເທດ ແລະ ດຳເນີນໄປກ່ອນການແຫ່ຂະບວນປະທ້ວງຂະໜາດໃຫ່ຍຊື່ງຄາດວ່າຈັດຂຶ້ນຢູ່ວໍຊິງຕັນ ໃນວັນທີ 9/9. ບັນດາການແຫ່ຂະບວນປະທ້ວງດັ່ງກ່າວຖືກດຳເນີນໄປໃນຂະນະທີ່ປະທານາທິບໍດີອາເມລິກາ Barack Obama ຮຽກຮ້ອງໃຫ້ ປຊຊ ຈົ່ງສະໜັບສະໜູນຄວາມມານະພະຍາຍາມນຳໃຊ້ກຳລັງແຮງດ້ານການທະຫານຕໍ່ຊີຣີ ໃນຂະນະທີ່ຜູ້ສະໜັບສະໜູນທ່ານພວມພະຍາຍາມເກັ້ຍກ່ອມບັນດາທ່ານສະມາຊິກລັດຖະສະພາຮັບຮອງເອົາຂໍ້ຕົກລົງນີ້.
ກ່ຽວກັບບັນຫາອາເມລິກາ ອາດຈະບຸກໂຈມຕີຊີຣີ, ວັນທີ 7/9, ປະທານກຳມາທິການຕ່າງປະເທດ ສະພາຕ່ຳລັດເຊຍ ໄດ້ປະກາດວ່າ: ດ້ວຍການບຸກໂຈມຕີຊີຣີ, ອາເມລິກາ ຈະບໍ່ສາມາດເຮັດໃຫ້ ອີຣານ ແລະ ສປປເກົາຫຼີ ປະລະການພັດທະນາອາວຸດນິວເຄຼຍຂອງບັນດາປະເທດນີ້.