ພາບປະກອບ: internet
|
(vovworld) - ຕອນເຊົ້າວັນທີ 6/10 ຢູ່ ນະຄອນ Da Nang, ຄະນະຈັດຕັ້ງປີທ່ອງທ່ຽວແຫ່ງຊາດປີ 2013 ໄດ້ຈັດການປະຊຸມຂ່າວແນະນຳກ່ຽວກັບບັນດາການເຄື່ອນໄຫວຂອງປີທ່ອງທ່ຽວແຫ່ງຊາດເຂດທົ່ງພຽງແມ່ນ້ຳແດງ ຢູ່ ນະຄອນ Hai Phong 2013. ຕາມນັ້ນແລ້ວ, ປີທ່ອງທ່ຽວແຫ່ງຊາດເຂດທົ່ງພຽງແມ່ນ້ຳແດງ - ນະຄອນ Hai Phong ປີ 2013 ໂດຍແມ່ນນະຄອນ Hai Phong ເປັນເຈົ້າພາບຈັດຕັ້ງຕິດພັນກັບຫົວຂໍ້ “ຄວາມສີວິໄລແຫ່ງແມ່ນ້ຳແດງ”. ລາຍການປີທ່ອງທ່ຽວແຫ່ງຊາດ 2013 ມີ 67 ເຫດການໂດຍກະຊວງວັດທະນະທຳ ກິລາ ແລະ ການທ່ອງທ່ຽວ ຫວຽດນາມ ສົມທົບກັບນະຄອນ Hai Phong ແລະ ບັນດາແຂວງ, ນະຄອນ ເຂດທົ່ງພຽງແມ່ນ້ຳແດງຈັດຕັ້ງຂຶ້ນ. ໃນນັ້ນ ສັບປະດາວັດທະນະທຳ ກິລາ ເຂດທົ່ງພຽງແມ່ນ້ຳແດງ - ນະຄອນ - Hai Phong ປີ 2013 ຕິດພັນກັບງານບຸນດອກຝາງແດງຄັ້ງທີ 2 ຈະແມ່ນເນື້ອໃນຕົ້ນຕໍ. ທ່ານ Le Khac Nam ຮອງປະທານຄະນະກຳມະການປະຊາຊົນນະຄອນ Hai Phong ໃຫ້ຮູ້ວ່າ:
“ຜ່ານບັນດາການເຄື່ອນໄຫວຂອງບັນດາແຂວງ, ນະຄອນທີ່ໄດ້ເປັນເຈົ້າພາບຈັດຕັ້ງ, ພວກຂ້າພະເຈົ້າກໍໄດ້ຄົ້ນຄ້ວາເພື່ອຖອດຖອນບົດຮຽນ. ບັນດາລາຍການເຄື່ອນໄຫວຈະຖືກຍົກລະດັບສູງຂຶ້ນ ແລະ ເລິກເຊິ່ງກວ່າ. ທີສອງ ວຽກງານຮັບປະກັນຄວາມສະຫງົບປອດໄພໃຫ້ແກ່ນັກທ່ອງທ່ຽວ, ຍານພາຫະນະຂົນສົ່ງນັກທ່ອງທ່ຽວກໍໄດ້ຮັບການຍົກລະດັບ, ປັບປຸງ. ທີສາມ ຕ້ອງສ້າງບັນດາລາຍການທ່ອງທ່ຽວ ແລະ ການຮ່ວມສຳພັນເພື່ອແຈ້ງໃຫ້ປະຊາຊົນຮັບຊາບ.”