(vovworld) - ພິທີອັດ ປີທ່ອງທ່ຽວແຫ່ງຊາດເຂດແຄມທະເລທາງທິດເຫນືອພາກກາງ- ເຫ້ວ 2012 ຈະດຳເນີນໄປໃນວັນທີ 15/12 ຢູ່ ນະຄອນ ເຫ້ວ. ຕາມພະແນກວັດທະນະທຳ ກິລາ ແລະ ການທ່ອງທ່ຽວ ແຂວງ ເທື່ອເທຽນເຫ້ວ (Thừa Thiên Huế) ແລ້ວ, ໃນພິທີອັດປີທ່ອງທ່ຽວ ຈະມີນັກສິລະປິນ, ນັກສະແດງເກືອບ 500 ຄົນມາຈາກບັນດາຄະນະສິລະປະກອນແຂວງ ເທື່ອທຽນເຫ້ວ, ແຂວງ ກ໋ວາງຈີ້(Quảng Trị), ກວ໋າງບີ່ງ( Quảng Bình ) ແລະ ນະຄອນ ຮ່າໂນ້ຍ ສະແດງບັນດາລາຍການສິລະປະທີ່ເປັນເອກະລັກສະເພາະ. ທ່ານ ໂງຮ່ວາ (Ngô Hòa), ຮອງປະທານຄະນະກຳມະການແຂວງ ເທື່ອທຽນເຫ້ວ, ຮອງຫົວຫນ້າຄະນະຈັດຕັ້ງ ປີທ່ອງທ່ຽວແຫ່ງຊາດເຂດແຄມທະເລທາງທິດເຫນືອພາກກາງ- ເຫ້ວ 2012 ໃຫ້ຮູ້ວ່າ:
“ ໃນໂອກາດປີທ່ອງທ່ຽວແຫ່ງຊາດ, ມາຮອດຈຸດເວລານີ້ ຢູ່ບໍລິເວນນະຄອນໄດ້ຈັດຕັ້ງການເຄື່ອນໄຫວຫລາຍຢ່າງດຶງດູດນັກທ່ອງທ່ຽວ. ຜ່ານນັ້ນ ກໍເປັນການເພີ່ມທະວີໂຄສະນາພາບພົດຂອງປະເທດຊາດ ແລະ ຊາວຫວຽດນາມເວົ້າລວມ ແລະ ຂອງແຂວງເທື່ອທຽນເຫ້ວ ເວົ້າສະເພາະ. ການເຄື່ອນໄຫວດັ່ງກ່າວທັງນຳມາເຊິ່ງຜົນປະໂຫຍດກ່ຽວກັບການພັດທະນາທ່ອງທ່ຽວ ທັງແມ່ນຜົນປະໂຫຍດໃຫ້ແກ່ວິສາຫະກິດ ແລະ ຜົນປະໂຫຍດຂອງປະຊາຊົນອີກດ້ວຍ. ”