ຮອງລັດຖະມົນຕີກະຊວງຊບພະຍາກອນ ແລະ ສິ່ງແວດລ້ອມ ຫວໍຕ໋ວນເຍີນ ກ່າວຄຳເຫັນທີ່ກອງປະຊຸມ
|
(vovworld) – ປັບປຸງຍຸດທະສາດ, ນະໂຍບາຍຄຸ້ມຄອງຊັບພະຍາກອນແລະສິ່ງແວດລ້ອມໃຫ້ສົມບູນແບບ - ນີ້ແມ່ນບັນຫາໄດ້ຍົກອອກມາທີ່ກອງປະຊຸມສຳມະນາ “ຄຸ້ມຄອງຊັບພະຍາກອນ ແລະ ສິ່ງແວດລ້ອມ ມຸ່ງໄປເຖິງການພັດທະນາແບບຍືນຍົງ”, ໂດຍສະຖາບັນຍຸດທະສາດ, ນະໂຍບາຍຊັບພະຍາກອນ ແລະ ສິ່ງແວດລ້ອມສົມທົບກັບອົງການ Hanns Seidel Foundation ແລະ ອົງການຮ່ວມມືພັດທະນາ ເຢຍລະມັນ (GIZ) ຈັດຕັ້ງໃນວັນທີ 15/9, ຢູ່ຮ່າໂນ້ຍ. ເມື່ອຕີລາຄາກ່ຽວກັບສະພາບຕົວຈິງໃນການຄຸ້ມຄອງຊັບພະຍາກອນ ແລະ ສິ່ງແວດລ້ອມ ແລະ ຮັບມືກັບການປ່ຽນແປງຂອງດິນຟ້າອາກາດຢູ່ ຫວຽດນາມ, ທ່ານຮອງສາດສະດາຈານ, ປອ ຫງວຽນເທ໋ຈີງ, ຫົວໜ້າສະຖາບັນຍຸດທະສາດ, ນະໂຍບາຍຊັບພະຍາກອນ ແລະ ສິ່ງແວດລ້ອມແມ່ນໃຫ້ຮູ້ວ່າ: ກ່ຽວກັບພື້ນຖານ, ແຜນນະໂຍບາຍຂອງພັກ, ກົດໝາຍຂອງລັດ ແລະ ບັນດານະໂຍບາຍປະຕິບັດຂອງ ຫວຽດນາມຄື: ຍຸດທະສາດການວາງແຜນ, ແຜນການປະຕິບັດຄຸ້ມຄອງຊັບພະຍາກອນ ແລະ ສິ່ງແວດລ້ອມຄົບຖ້ວນພໍສົມຄວນ, ປະກອບສ່ວນຈຳກັດການຊຸດໂຊມຊັບພະຍາກອນ ແລະ ສິ່ງແວດລ້ອມ. ທີ່ກອງປະຊຸມສຳມະນາ, ບັນດານັກວິທະຍາສາດພາຍໃນ ແລະ ຕ່າງປະເທດພ້ອມກັບບັນດານັກຄຸ້ມຄອງໄດ້ໄຈ້ແຍກລວງເລິກ ແລະ ຍົກອອກບັນດາມາດຕະການມີຄວາມສາມາດເປັນໄປໄດ້ໃນວຽກງານຄຸ້ມຄອງຊັບພະຍາກອນ ແລະ ສິ່ງແວດລ້ອມມຸ່ງໄປເຖິງການພັດທະນາຮອດປີ 2020.