(vovworld) - ກອງປະຊຸມສຳມະນາ “ບັນດາເນື້ອໃນປັບປຸງ, ເພີ່ມເຕີມລັດຖະທຳມະນູນປີ 1992 ທີ່ກ່ຽວຂ້ອງເຖິງທີ່ຕັ້ງ, ບັດບາດໜ້າທີ່ຂອງຕໍາຫຼວດປະຊາຊົນ” ເຊິ່ງດຳເນີນໄປໃນວັນທີ 24/12, ຢູ່ຮ່າໂນ້ຍ, ເພື່ອແນໃສ່ເກັບກຳມູນຖານຈາກພຶດຕິກຳຕົວຈິງ, ທິດສະດີ ເພື່ອປະກອບສ່ວນໃຫ້ແກ່ພັກ, ລັດ ກ່ຽວກັບບັນດາບັນຫາທີ່ກ່ຽວຂ້ອງເຖິງຂໍ້ກຳນົດກ່ຽວກັບທີ່ຕັ້ງ, ບົດບາດໜ້າທີ່ຂອງຕໍາຫຼວດປະຊາຊົນ, ກໍຄືບັນດາຂໍ້ກຳນົດອື່ນໃນລັດຖະທຳມະນູນປີ 1992. ກ່າວຄຳເຫັນທີ່ກອງປະຊຸມສຳມະນາ, ທ່ານລັດຖະມົນຕີກະຊວງຕໍາຫຼວດ ເຈິ່ນດ້າຍກວ້າງ ສະເໜີໃຫ້ບັນດາຜູ້ແທນສຸມໃສ່ປຶກສາຫາລືບັນດາຂໍ້ກຳນົດ ແລະ ສະພາບຕົວຈິງການປະຕິບັດຂໍ້ກຳນົດຂອງລັດຖະທຳມະນູນປີ 1992 ທີ່ກ່ຽວຂ້ອງເຖິງທີ່ຕັ້ງ, ບົດບາດໜ້າທີ່ຂອງຕໍາຫຼວດປະຊາຊົນ; ກຳນົດບັນດາຂໍ້ຈຳກັດ, ຂໍ້ຕິດຄັດໃນຂໍ້ກຳນົດຂອງລັດຖະທຳມະນູນປີ 1992 ທີ່ຈຳເປັນຕ້ອງປັບປຸງ, ເພີ່ມເຕີມ; ບັນດາມາດຕະການລະດົມກຳລັງໃຈ, ສົງເສີມພະນັກງານ, ນັກຮົບ, ຕໍາຫຼວດ ແລະ ປະຊາຊົນເຂົ້າຮ່ວມປະກອບຄວາມເຫັນ ໃຫ້ແກ່ການສ້າງລັດຖະທຳມະນູນ; ຄາດຄະເນບັນດາກໍລະນີເພື່ອເປັນເຈົ້າການທັບມ້າງທຸກກົນອຸບາຍ, ການເຄື່ອນໄຫວຂອງກຳລັງເປັນປໍລະປັກທີ່ສວຍໂອກາດໃນການປັບປຸງເພີ່ມເຕີມລັດຖະທຳມະນູນປີ 1992 ເພື່ອຕ້ານທຳລາຍພັກ, ລັດ ຫວຽດນາມ.