ປົວຢາວ ກຽມພ້ອມໃຫ້ ເວທີປາໄສ ອາຊີ 2012
Xuan Dan ນັກຂ່າວ VOV ປະຈຳຈີນ -
ເວທີປາໃສອາຊີ
(ພາບ:ອິນເຕີແນັດ)
( vovworld ) – ເວທີປາໄສອາຊີ-ປົວຢາວປີ 2012 ຈະຖືກຈັດຂຶ້ນແຕ່ວັນທີ 1-3/4 ຢູ່ໄຮ່ໜານ ປະເທດ ຈີນ. ເວທີປາໄສປີນີ້ມີຫົວຂໍ້ວ່າ “ອາຊີໃນໂລກທີ່ປ່ຽນແປງ, ມຸ້ງໄປເຖິງການພັດທະນາກະຈ່າງແຈ້ງ ແລະ ໝັ້ນຄົງ“. ໂດຍໄດ້ຮັບການປຽບທຽບຄືກັນກັບ ເວທີປາໄສເສດຖະກິດໂລກ (Davos), ເວທີປາໄສອາຊີ-ປົວຢາວ ນັບມື້ນັບໄດ້ດຶງດູດຄວາມສົນໃຈຂອງບັນດາການນຳດ້ານການເມືອງ, ວິສາຫະກິດ, ວົງການນັກຮຽນຮູ້ ບໍ່ພຽງແຕ່ມາຂຈາກພາກພື້ນອາຊີ ເທົ່ານັ້ນ, ຫາກຍັງມາຈາກຫຼາຍພາກພື້ນອື່ນໆໃນໂລກອີກດ້ວຍ. ປະຈຸບັນ, ທຸກໆວຽກງານກະກຽມໃຫ້ເຫດການເສດຖະກິດສຳຄັນນີ້ ກໍໄດ້ປະຕິບັດສຳເລັດແລ້ວ. ຕາມຂ່າວຈາກຄະນະຈັດຕັ້ງແລ້ວ, ເວທີປາໄສຄັ້ງນີ້ ໄດ້ດຶງດູດຜູ້ແທນກ່ວາ 2000 ທ່ານ. ນອກຈາກຫົວຂໍ້ຕົ້ນຕໍ, ບັນດາຜູ້ແທນຈະປຶກສາຫາລືບັນດາບັນຫາກ່ຽວຂ້ອງເຖິງວິກິດການໜີ້ສິນຂອງລັດ, ວຽກເຮັດງານທຳ ແລະ ການຈະເລີນເຕີບໂຕ, ການປະຕິຮູບລະບົບເງິນຕາຕ່າງປະເທດ….ພິເສດ, ເວທີປາໄສປີນີ້ ຈະຈັດການປຶກສາຫາລືກ່ຽວກັບອາຊຽນດ້ວຍຫົວຂໍ້ການຄ້າເສລີຈີນ-ອາຊຽນ ແລະ ການເຊື່ອມໂຍງເຂົ້າກັບເສດຖະກິດພາກພື້ນ.
Xuan Dan ນັກຂ່າວ VOV ປະຈຳຈີນ