ປະກອບຄຳຄິດຄຳ ເຫັນປັງປຸງລັດຖະ ທຳມະນູນ ປີ 1992 ຢ່າງຄົບຊຸດ
ວາລະປະຊຸມຄົບຄະນະຄັ້ງທີ 3ຄະນະຮຽບຮຽງຮ່າງລັດຖະທຳມະນູນ (ສະບັບປັບປຸງ) 1992
(ພາບ: http://uongchuluu.net)
(vovworld) ວັນທີ 8/2, ພາຍໃຕ້ການເປັນປະທານຂອງທ່ານຮອງປະທານສະພາແຫ່ງຊາດຫວຽດນາມ ອວງຈູລືວ, ຜູ້ປະຈຳຄະນະຮຽບຮຽງຮ່າງລັດຖະທຳມະນູນ (ສະບັບປັບປຸງ) 1992 ໄດ້ຈັດວາລະປະຊຸມຄົບຄະນະຄັ້ງທີ 3, ເພື່ອຮັບຟັງ ແລະ ປະກອບຄຳຄິດຄຳເຫັນ ແລະ ລາຍງານບາງບັນຫາກ່ຽວກັບການດັບປັບ, ເພີ່ມເຕີ່ມລັດຖະທຳມະນູນ. ການຕີລາຄາຂອງກຳມາທິການຮ່າງລັດຖະທຳມະນູນປີ 1992 ສະບັບປັບປຸງໄດ້ຊີ້ໃຫ້ເຫັນວ່າ: ລັດຖະທຳມະນູນໄດ້ຮັບການປະກາດໃຊ້ໃນສະພາບການທີ່ຫວຽດນາມພວມຢູ່ໃນຊຸມປີຕົ້ນແຫ່ງການປະຕິບັດກິດຈະການປ່ຽນແປງໃໝ່ປະເທດຊາດ ໂດຍກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 6 ຂອງພັກກອມມູນິດຫວຽດນາມ ຊຸດທີ 6 (ເມືອປີ 1986) ວາງອອກ. ລັດຖະທຳມະນູນປີ 1992 ໄດ້ຮັບການສ້າງຕັ້ງແມ່ນພື້ນຖານດ້ານການເມືອງນິຕິທຳໃຫ້ແກ່ການປະຕິບັດກິດຈະກຳປ່ຽນແປງໃໝ່ປະເທດຊາດ, ບັນດາຜົນງານທີ່ມີຄວາມໝາຍປະຫວັດສາດທີ່ບັນລຸໄດ້ໃນໄລຍະກ່ວາ 20 ປີຜ່ານມາແມ່ນບໍ່ຕັດແຍກອອກຈາກການປະກອບສ່ວນທີ່ສຳຄັນຂອງວິວັດການປະຕິບັດລັດຖະທຳມະນູນ. ແຕ່ເຖິງຢ່າງໃດກໍ່ຕາມ, ພາຍຫຼັງ 20 ປີແຫ່ງການປ່ຽນແປງໃໝ່, ລັດຖະທຳມະນູນຄວນໄດ້ຮັບການປັບປຸງເພື່ອຕອບສະໜອງຄວາມຕ້ອງການຂອງວິວັດການພັດທະນາປະເທດຊາດ ແລະ ພື້ນຖານເສດຖະກິດການຕະຫຼາດຕາມກຳນົດທິດສັງຄົມນິຍົມ ພ້ອມກັບການເຊື່ອມໂຍງເຂົ້າກັບສາກົນຂອງປະເທດຊາດ. ຄະນະຮຽບຮຽງໄດ້ຮັບຮູ້ວ່າ: ລັດຖະທຳມະນູນປີ 1992 ຄວນໄດ້ຮັບການປັງປຸງຢ່າງຄົບຊຸດບັນດາເນື້ອໃນກ່ຽວກັບພື້ນຖານໂຄງລ່າງເສດຖະກິດ ແລະ ບັນດາເນື້ອໃນທີ່ກ່ຽວຂ້ອງເຖິງອົງການລັດ, ບັນດາເນື້ອໃນກ່ຽວກັບວັດທະນະທຳ, ສັງຄົມ, ວິທະຍາສາດ, ເຕັກໂນໂລຢີກໍ່ຄືສິດທິມະນຸດ, ສິດ ແລະ ພັນທະພື້ນຖານຂອງພົນລະເມືອງ ເພື່ອເໝາະສົມກັບແຜນນະໂຍບາຍຂອງພັກກອມມູນິດຫວຽດນາມ ແມ່ນສືບຕໍ່ສູ້ແຮງກິດຈະການປ່ຽນໃໝ່ຢ່າງຮອບດ້ານ, ເໝາະສົມກ່ຽວກັບເສດຖະກິດ ແລະ ການເມືອງ ເພື່ອຈຸດໝາຍປະຊາຊົນຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ຍຸຕິທຳ, ສີວິໄລ. ໜ້າທີ່ຂອງລັດຖະທຳມະນູນໃນສະພາບການໃໝ່ແມ່ນສ້າງພື້ນຖານດ້ານກົດໝາຍເປັນປົກກະຕິ, ໝັ້ນຄົງ, ສ້າງກຳລັງໜູນໃໝ່ໃຫ້ແກ່ພາລະກິດສ້າງສາ ແລະ ປົກປັກຮັກສາປະເທດຊາດ.
ເລື່ອງປັບປຸງລັດຖະທຳມະນູນ ແມ່ນເພື່ອກ້າວໄປເຖິງການກໍ່ສ້າງ ແລະ ສ້າງສຳເລັດພື້ນຖານເສດຖະກິດການຕະຫຼາດຕາມກຳນົດທິດສັງຄົມນິຍົມ, ພັດທະນາວັດທະນະທຳ, ການສຶກສາ, ວິທະຍາສາດ, ເຕັກໂນໂລຢີ, ຮັບປະກັນຄວາມຍຸຕິທຳທາງສັງຄົມ, ປົກປັກຮັກສາສິ່ງແວດລ້ອມ. ປັບປຸງລັດຖະທຳມະນູນເພື່ອສືບຕໍ່ຍູ້ແຮງກິດຈະການປ່ຽນແປງໃໝ່ຢ່າງຮອບດ້ານ, ສ້າງກຳລັງໜູນໃໝ່ໃຫ້ແກ່ການພັດທະນາຂອງປະເທດຊາດ. ປັບປຸງເພື່ອຢັ້ງຢືນ ແລະ ຮັບປະກັນການປະຕິບັດມະຫາສາມັກຄີທົ່ວປວງຊົນ, ສືບຕໍ່ຢືນຢັນການນຳພາຂອງພັກທີ່ມີຕໍ່ລັດ ແລະ ສັງຄົມ, ເສີມຂະຫຍາຍປັດໄຈມະນຸດ, ເຄົາລົບນັບຖື, ຮັບປະກັນ, ປົກປັກຮັກສາສິດຂອງມະນຸດ, ສິດທິພົນລະເມືອງ, ສ້າງສຳເລັດລັດຫວຽດນາມແຫ່ງອຳນາດນິຕິບັນຍັດສັງຄົມນິຍົມ.