(ພາບປະກອບ)
(vovworld) - ຄະນະກຳມະການແນວໂຮມປະເທດຊາດຫວຽດນາມ ໄດ້ຈັດກອງປະຊຸມຮັບເອົາຄຳເຫັນຈາກປະທານຄະນະກຳມະການແນວໂຮມປະ ເທດຊາດບັນດາແຂວງ, ນະຄອນ ທີ່ປະກອບໃສ່ຮ່າງລັດຖະທຳມະນູນປີ 1992 ສະບັບປັບປຸງ. ບັນດາຄຳເຫັນໄດ້ສຸມໃສ່ເນື້ອໃນທີ່ກ່ຽວຂ້ອງເຖິງທີ່ຕັ້ງ, ບົດບາດຂອງແນວໂຮມປະເທດຊາດຫວຽດນາມ ແລະ ບັນດາເນື່ອໃນສຳຄັນອື່ນໆ.
ທ່ານຟ້າມງວກຮຸຍ, ປະທານຄະນະກຳມະການແນວໂຮມປະເທດຊາດແຂວງ ຮືງອຽນ ຖືວ່າ, ຄວນມີພາກ 1 ທີ່ກຳນົດກ່ຽວກັບແນວໂຮມປະເທດຊາດ ແລະ ບັນດາອົງການການເມືອງສັງຄົມອື່ນໆ, ພ້ອມທັງສະເໜີວ່າ; ລັດຄວນຮັບປະກັນເງື່ອນໄຂເພື່ອໃຫ້ແນວໂຮມປະເທດຊາດຫວຽດນາມ ແລະ ບັນດາອົງການສະມາຊິກເຄື່ອນໄຫວ.
“ລັດຄວນສ້າງເງື່ອນໄຂທີ 1 ແມ່ນດ້ານກົດໝາຍ, ທີ 2 ແມ່ນກ່ຽວກັບກົນໄກນະໂຍບາຍ. ເພາະສະນັ້ນ, ຢູ່ຂໍ້ທີ 3 ສະເໜີໃຫ້ຮັບປະກັນເງື່ອນໄຂເພື່ອໃຫ້ແນວໂຮມປະເທດຊາດ ແລະ ບັນດາອົງການຈັດຕັ້ງມະຫາຊົນ, ອົງການການເມືອງ ແລະ ບັນດາສະມາຊິກເຄື່ອນໄຫວຢ່າງມີປະສິດທິຜົນ. ເພາະໃນແຕ່ລະອົງການຈັດຕັ້ງສະມາຊິກມີຫຼາຍອົງການສັງຄົມ, ອົງການຈັດຕັ້ງສັງຄົມວິຊາຊີບ, ຖ້າຫາກພວກເຮົາພຽງແຕ່ເວົ້າລວມໆຈະເປັນເລື່ອງຍາກ. ສະນັ້ນ, ພວກຂ້າພະເຈົ້າສະເໜີໃຫ້ຂຽນວ່າ: ລັດຮັບປະກັນເພື່ອໃຫ້ແນວໂຮມປະເທດຊາດ ແລະ ບັນດາອົງການຈັດຕັ້ງການເມືອງສັງຄົມ ແລະ ສ້າງເງື່ອນໄຂໃຫ້ແກ່ບັນດາອົງການຈັດຕັ້ງສະມາຊິກເຄື່ອນໄຫວຢ່າງມີປະສິດທິຜົນ”.
ທີ່ກອງປະຊຸມ, ມີຜູ້ແທນຫຼາຍທ່ານສືບຕໍ່ຢືນຢັນບົດບາດຊີ້ນຳນຳພາຂອງພັກກອມມູນິດຫວຽດນາມ ທີ່ມີຕໍ່ປະເທດຊາດ ແລະ ປະກອບຄຳເຫັນໃສ່ບັນຫາທີ່ດິນໃນຮ່າງລັດຖະທຳມະນູນປີ 1992 ສະບັບປັບປຸງ.