ປະກອບຄຳເຫັນໃສ່ຮ່າງເອກະສານກອງປະຊຸມໃຫຍ່ຄັ້ງທີ 12ຂອງພັກ
ທ່ານປະທານຄະນະກຳມະການສູນກາງ
ແນວໂຮມປະເທດຊາດຫວຽດນາມ ຫງວຽນທຽນເຍີນ
(ພາບ: VGP)
(vovworld) – ກ່າວຄຳເຫັນທີ່ກອງປະຊຸມຮັບເອົາຄຳເຫັນຂອງບັນດາພະນັກງານຄະນະຊາວໜຸ່ມ, ສະມາຊິກຊາວໜຸ່ມ, ຊາວໜຸ່ມທີ່ປະກອບໃສ່ຮ່າງເອກະສານກອງປະຊຸມໃຫຍ່ຄັ້ງທີ 12 ຂອງພັກກອມມູນິດຫວຽດນາມ, ວັນທີ 21/10, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທຽນເຍີນ ຖືວ່າ, ບັນດາຜູ້ແທນໜຸ່ມເຂົ້າຮ່ວມການປະກອບຄຳເຫັນໃນຄັ້ງນີ້ ແມ່ນກາລະໂອກາດເພື່ອເສີມຂະຫຍາຍພູມປັນຍາ, ນ້ຳໃຈຮັບຜິດຊອບຂອງລຸ່ນໜຸ່ມ ໃນການວາງແຜນນະໂຍບາຍ, ຍຸດທະສາດຂອງພັກ, ລັດ. ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ສະເໜີໃຫ້ບັນດາສະມາຊິກຊາວໜຸ່ມ, ຊາວໜຸ່ມສຸມໃສ່ປະກອບຄຳເຫັນ, ຂໍ້ສະເໜີກ່ຽວກັບທິດທາງ, ມາດຕະການແກ້ໄຂ ເພື່ອຍົກສູງບົດບາດຂອງລຸ່ນໜຸ່ມໃນການພັດທະນາເສດຖະກິດ, ສັງຄົມຂອງປະເທດຊາດ; ເພີ່ມຈຳນວນນັກທຸລະກິດໜຸ່ມມີເຈດນຳນົງ, ພັດທະນາວິສາຫະກິດໜຸ່ມ, ຕັ້ງໜ້າໝູນໃຊ້ວິທະຍາສາດເຕັກໂນໂລຊີ. ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທຽນເຍີນ ປາດຖະໜາວ່າ, ຊາວໜຸ່ມຈະແມ່ນກຳລັງນຳໜ້າປະຕິບັດບັນດາຮູບແບບສະຫະກອນແບບໃໝ່ ໃນການພັດທະນາກະສິກຳ, ຈາກນັ້ນສ້າງກຳລັງໜູນເພື່ອໃຫ້ຮູບແບບນີ້ໄດ້ຮັບການທະວີຄູນໃນທົ່ວປະເທດ. ນອກຈາກນັ້ນ, ລຸ່ນໜຸ່ມກໍຕ້ອງເອົາໃຈໃສ່ເຖິງບັນຫາການປົກປັກຮັກສາ, ເສີມຂະຫຍາຍຄຸນຄ່າວັດທະນະທຳທີ່ເປັນມູນເຊື້ອຂອງຊາດ ໃນສະພາບທີ່ປະເທດພວມເຊື່ອມໂຍງນັບມື້ນັບເລິກເຊິ່ງ, ກວ້າງຂວາງເຂົ້າກັບສາກົນ.