(vovworld) - ວັນທີ 29/07, ກອງປະຊຸມໃຫຍ່ກຳມະບານຫວຽດນາມ ຊຸດທີ 11 (ອາຍຸການ 2013 - 2018) ສືບຕໍ່ດຳເນີນດ້ວຍບັນດາວາລະປຶກສາຫາລືຢູ່ໜ່ວຍ. ບັນດາຜູ້ແທນໄດ້ສຸມໃສ່ປຶກສາຫາລື 2 ເນື້ອໃນຄື: ບົດລາຍງານຂອງຄະນະບໍລິຫານງານສະຫະພັນໃຫຍ່ແຮງງານຫວຽດນາມຊຸດທີ 10 ແລະ ກົດລະບຽບກຳມະບານຫວຽດນາມ (ສະບັບປັບປຸງ, ເພີ່ມເຕີ່ມ). ຕາມການຕີລາຄາຂອງບັນດາຜູ້ແທນແລ້ວ, ກົດລະບຽບກຳມະບານຫວຽດນາມຊຸດທີ 10 ໄດ້ຮັບປະກັນບັນດາຫຼັກການຈັດຕັ້ງ ແລະ ເຄື່ອນໄຫວຂອງກຳມະບານພາຍໃຕ້ການນຳພາຂອງພັກກອມມູນິດຫວຽດນາມ ໂດຍພື້ນຖານ, ສົມກັບຂໍ້ກຳນົດຂອງລັດຖະທຳມະນູນໃນປະຈຸບັນ, ກົດໝາຍວ່າດ້ວຍແຮງງານ ແລະ ກຳມະບານ. ຄຽງຂ້າງນັ້ນ, ບັນດາຜູ້ແທນກໍ່ຍົກອອກຂໍ້ສະເໜີແນະ, ສະເໜີມາດຕະການຕ່າງໆໃຫ້ອາຍຸການໃໝ່. ທ່ານນາງ ໂດ້ທິລານ, ປະທານສະຫະພັນແຮງງານແຂວງກວາງນິງ ໃຫ້ຮູ້ວ່າ.
“ບັນດາຄຳເຫັນຕີລາຄາສະພາບຕົວຈິງ, ສະພາບແນວຄິດຈິດໃຈຂອງຄົນງານໃນປະຈຸບັນລ້ວນແຕ່ມີຄຸນນະພາບສູງຄື: ບັນດາເນື້ອໃນ, ມາດຕະການແກ້ໄຂເພື່ອໃຫ້ກຳມະບານທຸກຂັ້ນ ກໍ່ຄືສະເໜີຕໍ່ສະຫະພັນໃຫຍ່ແຮງງານຫວຽດນາມ ເອົາໃຈໃສ່ແກ້ໄຂບັນດາຄວາມຫຍຸ້ງຍາກ, ຂໍ້ຈຳກັດໃນໄລຍະຜ່ານມາ ແລະ ສືບຕໍ່ມີການຊີ້ນຳ, ບັນດາເນື້ອໃນ, ຂົງເຂດຕ່າງໆ. ແນໃສ່ຍົກສູງຄຸນນະພາບ, ປະສິດທິຜົນຂອງວຽກງານກຳມະບານທຸກຂັ້ນ, ເອົາໃຈໃສ່ແກ້ໄຂຄວາມຫຍຸ້ງຍາກໃຫ້ຄົນງານ ເພື່ອເບິ່ງແຍງ, ເປັນຕົວແທນ ແລະ ປົກປັກຮັກສາສິດຜົນປະໂຫຍດ, ຊອບນທຳຂອງສະມາຊິກກຳມະບານໃນສະພາບປະຈຸບັນ”.