ປະກາດກົດໝາຍ 9 ສະບັບ ແລະ ລັດຖະບັນຍັດ ທີ່ສະພາແຫ່ງຊາດຮັບຮອງເອົາ
ກອງປະຊຸມສະໄໝສາມັນເທື່ອທີ 6 ສະພາແຫ່ງຊາດຊຸດທີ 13
ໄດ້ຮັບຮອງເອົາ ກົດໝາຍ 8 ສະບັບ ແລະ ລັດຖະບັນຍັດ 1 ສະບັບ
(ພາບປະກອບ)
(vovworld) – ຕອນເຊົ້າວັນທີ 12/12, ຫ້ອງວ່າການປະທານປະເທດ ໄດ້ຈັດຕັ້ງການປະຊຸມຂ່າວປະກາດຄຳສັ່ງຂອງປະທານປະເທດ ທີ່ປະກາດ ກົດໝາຍ 8 ສະບັບ ແລະ ລັດຖະບັນຍັດ 1 ສະບັບເຊິ່ງສະພາແຫ່ງຊາດ ແລະ ຄະນະປະຈຳສະພາແຫ່ງຊາດ ຫາກໍ່ຮັບຮອງເອົາ. ໃນນັ້ນມີກົດໝາຍສະບັບຕ່າງໆຄື: ກົດໝາຍວ່າດ້ວຍວຽກເຮັດງານທຳ, ກົດໝາຍວ່າດ້ວຍການຕ້ອນຮັບພົນລະເມືອງ, ກົດໝາຍວ່າດ້ວຍການປະຕິບັດການປະຢັດ, ຕ້ານການຟຸມເຟືອຍ ແລະ ກົດໝາຍວ່າດ້ວຍທີ່ດິນ.
ໜຶ່ງໃນບັນດາກົດໝາຍທີ່ສະພາແຫ່ງຊາດຫາກໍ່ຮັບຮອງເອົາແມ່ນກົດໝາຍວ່າດ້ວຍທີ່ດິນ.ໃນນັ້ນ, ມີຫຼາຍເນື້ອໃນແລກປ່ຽນໃໝ່ສຳຄັນກ່ຽວກັບລະບອບກຳມະສິດທີ່ດິນ, ສິດ ແລະ ຄວາມຮັບຜິດຊອບຂອງລັດທີ່ມີຕໍ່ທີ່ດິນ, ກ່ຽວກັບການຖອນທີ່ດິນຄືນ. ກ່ຽວກັບຂໍ້ກຳນົດໃໝ່ໃນການຖອນທີ່ດິນຄືນ, ທ່ານ ຫງວຽນມິງກວາງ, ລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ, ໃຫ້ຮູ້ວ່າ:
“ກ່ຽວກັບການຖອນທີ່ດິນຄືນ ແລະ ຊົດເຊີຍການຕັ້ງຖີ່ນຖານໂຄງທີ່ ກຳນົດລະອຽດກ່ຽວກັບບັນດາກໍລະນີທີ່ຈຳເປັນເຊິ່ງລັດຕ້ອງຖອນທີ່ດິນຄືນ ຍ້ອນຈຸດປະສົງປ້ອງກັນຊາດ, ປ້ອງກັນຄວາມສະຫງົບ, ການພັດທະນາເສດຖະກິດ - ສັງຄົມ ເພື່ອຜົນປະໂຫຍດແຫ່ງຊາດ, ສາທາລະນະ ຄືໄດ້ກຳນົດໃນມາດຕາ 54 ຂອງລັດຖະທຳມະນູນ. ຕາມທິດຄວບຄຸມຢ່າງແໜ້ນແຟ້ນກ່ວາອີກ ແລະ ຈຳກັດບັນດາກໍລະນີລັດຖອນທີ່ດິນຄືນເພື່ອພັດທະນາເສດຖະກິດ - ສັງຄົມ ເພື່ອຜົນປະໂຫຍດແຫ່ງຊາດ, ສາທາລະນະ”
ປະຈຸບັນ, ບັນດາກະຊວງ, ຂະແໜງການກ່ຽວຂ້ອງພວມປະກາດໃຊ້ດຳລັດແນະນຳປະຕິບັດຢ່າງຮີບດ່ວນ ເພື່ອໃຫ້ບັນດາກົດໝາຍ, ລັດຖະບັນຍັດ ກ້າວເຂົ້າສູ່ຊີວິດໂດຍໄວ.