(vovworld) - ດັດຊະນີປະສິດທິຜົນການຄຸ້ມຄອງ ແລະ ບໍລິຫານສາທາລະນະຂັ້ນແຂວງຢູ່ຫວຽດນາມ (PAPI) ໄດ້ປະກາດໃນຕອນເຊົ້າວັນທີ 14/05, ຢູ່ຮ່າໂນ້ຍ. ຕາມນັ້ນແລ້ວ, ແຂວງກວາງບິ່ງ, ດ່າໜັງ, ກວ້າງຈີ້, ນາມດິ້ງ, ບາເຣິ້ຍ - ຫວູງເຕົາ ແມ່ນຂຶ້ນກັບກຸ່ມແຂວງ, ນະຄອນທີ່ມີດັດຊະນີປະສິດທິຜົນການຄຸ້ມຄອງ ແລະ ບໍລິຫານສາທາລະນະສູງສຸດໃນທົ່ວປະເທດ. ດັດຊະນີປະສິດທິຜົນການຄຸ້ມຄອງ ແລະ ບໍລິຫານສາທາລະນະປີ 2012 ໃຫ້ເຫັນວ່າ, ສະພາບໄພສໍ້ລາດບັງຫຼວງ, ສິນບົນຍັງເກີດຂຶ້ນຢູ່. ສິ່ງທີ່ໜ້າສົນໃຈນັ້ນແມ່ນ, ທີ່ດິນຍັງແມ່ນຂົງເຂດເຊິ່ງປະຊາຊົນຕີລາຄາວ່າ ໄດ້ກໍ່ຄວາມຫຍູ້ງຍາກເມື່ອຂາດລັກສະນະເປີດເຜີຍ, ກະຈາງແຈ້ງໃນການວາງແຜນກຳນົດ, ແຜນການນຳໃຊ້ທີ່ດິນ; ການຮິບເອົາ ແລະ ລາຄາຊົດເຊີຍຍັງບໍ່ທັນເໝາະສົມ; ເລື່ອງຂໍ້ໜັງສືຢັ້ງຢືນສິດນຳໃຊ້ທີ່ດິນຍັງມີຫຼາຍບັນຫາທີ່ຍັງຄົງຄ້າງ ແລະ ມີຄະແນນຕຳສຸດໃນ 4 ລະບຽບການບໍລິຫານທີ່ໄດ້ຮັບການສຳຫຼວດໃນຄັ້ງນີ້.