ການປະຊຸມຂ່າວ ແນະນຳດຳລັດ 72/2013 ຂອງລັດຖະບານ ກ່ຽວກັບການຄຸ້ມຄອງ, ສະໜອງ, ນຳໃຊ້ການບໍລິການອິນເຕີແນດ ແລະ ຂ່າວໃນເຄືອຂ່າຍ
(vovworld) – ຕອນບ່າຍວັນທີ 31/7, ກະຊວງຖະແຫຼງຂ່າວ ແລະ ສື່ສານ ໄດ້ຈັດການປະຊຸມຂ່າວ ແນະນຳດຳລັດ 72/2013 ຂອງລັດຖະບານ ກ່ຽວກັບການຄຸ້ມຄອງ, ສະໜອງ, ນຳໃຊ້ການບໍລິການອິນເຕີແນດ ແລະ ຂ່າວໃນເຄືອຂ່າຍ. ດຳລັດນີ້ແທນໃຫ້ດຳລັດ 97 ລົງວັນທີ 28/8/2008 ຂອງລັດຖະບານກ່ຽວກັບການຄຸ້ມຄອງ, ສະໜອງ, ນຳໃຊ້ການບໍລິການອິນເຕີແນດ ແລະ ຂ່າວໃນເຄືອຂ່າຍ. ດຳລັກນີ້ລວມມີ 6 ພາກ, 46 ມາດຕາ, ກຳນົດຢ່າງລະອຽດກ່ຽວກັບການບໍລິການອິນເຕີແນດ, ຊັບພະຍາກອນ ອິນເຕີແນດ, ຫຼັກການຄຸ້ມຄອງ, ສະໜອງ, ນຳໃຊ້ຂ່າວໃນເຄືອຂ່າຍ, ຄຸ້ມຄອງການສ້າງເວັບໄຊສັງລວມ… ດຳລັດເພີ່ມເຕີມ, ປັບປຸງຂໍ້ກຳນົດຕ່າງໆກ່ຽວກັບການຄຸ້ມຄອງ, ສະໜອງ ແລະ ນຳໃຊ້ການບໍລິການ ແລະ ຂ່າວທາງເຄືອຂ່າຍຕາມທິດຍູ້ແຮງການແກ່ງແຍ້ງ, ສ້າງສະພາບແວດລ້ອມດຳເນີນທຸລະກິດຢ່າງຍຸຕິທຳ, ໂປ່ງໃສ ໃຫ້ແກ່ບັນດາວິສາຫະກິດ, ເພີ່ມທະວີລັກສະນະຮັບປະກັນຄວາມປອດໄພ ແລະ ໝັ້ນຄົງທາງເຄືອຂ່າຍອິນເຕີແນດ, ກຳນົດຄວາມຮັບຜິດຊອບ ແລະ ກົນໄກສົມທົບຂອງບັນດາກະຊວງ, ຂະແໜງການ, ທ້ອງຖີ່ນໃນວຽກງານຄຸ້ມຄອງອິນເຕີແນດ. ທ່ານຮອງລັດຖະມົນຕີກະຊວງຖະແຫຼງຂ່າວ ແລະ ສື່ສານ ເລນາມທັ໋ງ, ໃຫ້ຮູ້ວ່າ:
ດຳລັດໄດ້ກຳນົດ, ແບ່ງປະເທດຂໍ້ມູນຂ່າວ ແລະ ວິທີຄຸ້ມຄອງຄືແນວໃດ, ອັນໃດສະໜອງໜັງສືອະນຸຍາດ, ຈົດທະບຽນ, ລາຍງານສິດ ຄວາມຮັບຜິດຊອບຂອງບັນດາອົງການ, ສ່ວນບຸກຄົນສະໜອງຂໍ້ມູນຂ່າວນັ້ນເຂົ້າເຄືອຂ່າຍອີນເຕີເນັດ, ນີ້ເປັນຄັ້ງທຳອິດທີ່ໄດ້ກຳນົດຢ່າງຈະແຈ້ງ, ກ່ອນນີ້ແມ່ນບໍ່ທັນຈະແຈ້ງ, ຖ້າກົດໝາຍຍິ່ງຈະແຈ້ງ, ເປີດເຜິຍ, ໂປ່ງໃສ ແລະ ການສົມທົບກັບບັນດາອົງການຄຸ້ມຄອງເປັນຢ່າງດີ ຈະສ້າງເງື່ອນໄຂຊຸກຍູ້ການພັດທະນາເຄືອຂ່າຍການບໍລິການກໍ່ຄືຂໍ້ມູນຂ່າວສານໃນອິນເຕີເນັດ
ດຳລັດເລີ່ມມີຜົນສັກສິດນັບແຕ່ວັນທີ 1/9/2013 ເປັນຕົ້ນໄປ.