ປະກາດບົດລາຍງານ ອິນເຕີເນັດ, ຊັບພະຍາກອນອິນເຕີເນັດ ຫວຽດນາມ 2021
(VOVWORLD) -ວັນທີ 15 ທັນວາ, ໃນຂອບເຂດເຫດການວັນ ອິນເຕີເນັດ ຫວຽດນາມ 2021, ສູນ ອິນເຕີເນັດ ຫວຽດນາມ (VNNIC) ໄດ້ປະກາດຢ່າງເປັນທາງການ “ບົດລາຍງານ ອິນເຕີເນັດ, ຊັບພະຍາກອນອິນເຕີເນັດ ຫວຽດນາມ 2021” ດ້ວຍຫົວຂໍ້ “Internet for all”.
 ພາບປະກອບ: TTXVN |
ຕາມຕົວເລກຂອງບົດລາຍງານດັ່ງກ່າວແລ້ວ, ຊັບພະຍາກອນອິນເຕີເນັດໃນປີ 2021, ປັດຈຸບັນມີ 660 ລະບົບເຄືອຂ່າຍທີ່ໄດ້ນຳໃຊ້ ຢູ່ອິນເຕີເນັດ (IP) ຫຼືລະຫັດໝາຍອິນເຕີເນັດ (ASN) ທີ່ມີການເຊື່ອມຕໍ່ເອກະລາດນຳກັນ ໂດຍສ້າງເປັນ ອິນເຕີເນັດ ຫວຽດນາມ. ຕົວເລກນີ້ ເພີ່ມຂຶ້ນ 20% ເມືື່ອທຽບໃສ່ກັບປີ 2020. ບັນດາເຄືອຂ່າຍອິນເຕີເນັດພາຍໃນປະເທດ ເຊື່ອມຕໍ່ນຳກັນ ຜ່ານບັນດາຫົວໜ່ວຍສະໜອງການບໍລິການ (ISP) ແລະ ຜ່ານສູນສົ່ງຕໍ່ອິນເຕີເນັດ ແຫ່ງຊາດ.
ໝາກຜົນບົດລາຍງານໄດ້ສະແດງໃຫ້ເຫັນວ່າ, ໃນ 21 ປີຜ່ານມາ, ການເຕີບໂຕຢ່າງປະທັບໃຈຂອງ ຊັບພະຍາກອນອິນເຕີເນັດ ຫວຽດນາມ ດ້ວຍການເຄື່ອນໄຫວທີ່ມີສະຖຽນລະພາບ, ມີຄວາມປອດໄພຂອງລະບົບເຕັກນິກພື້ນຖານໂຄງລ່າງ ອິນເຕີເນັດ ໄດ້ປະກອບສ່ວນສ້າງກຳລັງໜູນໃຫ້ແກ່ການເຕີບໂຕຢ່າງແຮງ ຂອງ ອິນເຕີເນັດຫວຽດນາມ. ຫວຽດນາມ ໄດ້ມີການເຊື່ອມໂຍງຢ່າງເລິກເຊິ່ງ ແລະ ກວ້າງຂວາງ ແລະ ມີການປະກອບສ່ວນຢ່າງຕັ້ງໜ້າເຂົ້າໃນການພັດທະນາລວມຂອງ ອິນເຕີເນັດທົ່ວໂລກ.