ປະກາດບົດລາຍງານສິ່ງແວດລ້ອມແຫ່ງຊາດປີ2014ດ້ວຍຫົວຂໍ້ “ສິ່ງແວດລ້ອມ ຊົນນະບົດ”
ພິທີປະກາດບົດລາຍງານສິ່ງແວດລ້ອມແຫ່ງຊາດປີ2014
ດ້ວຍຫົວຂໍ້“ສິ່ງແວດລ້ອມຊົນນະບົດ”
(ພາບ: laodong.com.vn)
(vovworld) – ວັນທີ 24/6, ຢູ່ ຮ່າໂນ້ຍ, ກະຊວງຊັບພະຍາກອນ ແລະ ສິ່ງແວດລ້ອມ ໄດ້ຈັດຕັ້ງພິທີປະກາດບົດລາຍງານສິ່ງແວດລ້ອມແຫ່ງຊາດປີ 2014 ດ້ວຍຫົວຂໍ້ວ່າ: “ສິ່ງແວດລ້ອມຊົນນະບົດ”. ເພື່ອແນໃສ່ແນະນຳໂດຍສັງ
ເຂບ ກ່ຽວກັບສະພາບແວດລ້ອມຢູ່ເຂດຊົນນະບົດ ຫວຽດນາມ ໃນ 5 ປີຜ່ານມາ. ບົດລາຍງານໄດ້ຕີລາຄາ ກ່ຽວກັບວຽກງານຄຸ້ມຄອງ ແລະ ປົກປັກຮັກສາສິ່ງແວດລ້ອມຢູ່ຊົນນະບົດ, ສະເໜີບັນດາມາດຕະການ ເພື່ອແນໃສ່ຍົກສູງປະສິດທິຜົນໃນວຽກງານຄຸ້ມຄອງ; ຄວບຄຸມ,ຫຼຸດຜ່ອນມົນລະພິດ; ປັບປຸງ, ຍົກສູງຄຸນນະພາບສິ່ງແວດລ້ອມຢູ່ເຂດຊົນນະບົດ ເທື່ອລະກ້າວ ແລະ ຮັບປະກັນບັນດາຄາດໝາຍກໍ່ສ້າງຊົນນະບົດໃໝ່ຢູ່ ຫວຽດນາມ.
67% ຈຳນວນພົນລະເມືອງຫວຽດນາມ ດຳລົງຊີວິດຢູ່ເຂດຊົນນະບົດ ພວມປະສົບກັບຄວາມດັນຈາກການຜະລິດ ແລະ ການດຳເນີນຊີວິດຂອງປະຊາຊົນໃນເຂດ, ພ້ອມທັງໄດ້ຮັບຜົນສະທ້ອນຈາກການເຄື່ອນໄຫວ ແລະ ມົນລະພິດໂດຍເຂດອຸດສາຫະກຳ ແລະ ເຂດຕົວເມືອງຢູ່ອ້ອມກໍ່ຂຶ້ນ. ຕໍ່ໜ້າສະພາບການດັ່ງກ່າວ, ກະຊວງຊັບພະຍາກອນ ແລະ ສິ່ງແວດລ້ອມ ໄດ້ສະເໜີຕໍ່ສະພາແຫ່ງຊາດ, ລັດຖະບານ ແລະ ທ້ອງຖີ່ນຕ່າງໆ ຄວນສຸມໃສ່ຊີ້ນຳ ແລະ ປະຕິບັດໃນໄລຍະຈະມາເຖິງ, ເພື່ອແນໃສ່ຍົກສູງປະສິດທິຜົນວຽກງານຄຸ້ມຄອງ; ຄວບຄຸມ; ຫຼຸດຜ່ອນມົນລະພິດ; ປັບປຸງ, ຍົກສູງຄຸນນະພາບສິ່ງແວດລ້ອມເທື່ອລະກ້າວ, ຮັບປະກັນບັນດາຄາດໝາຍກໍ່ສ້າງຊົນນະບົດໃໝ່ຢູ່ ຫວຽດນາມ.