(vovworld)- ປີ 2015, ຫວຽດນາມ ໄດ້ບັນລຸຜົນສຳເລັດຊ້ອນ, ທັງຄວບຄຸມໄພເງິນເຟີ້ (0,63%) ແລະ ຮັກສລະດັບຈະເລີນເຕີບໂຕດີພໍສົມຄວນ. ປີ 2016, ຄາດຄະເນການເຕີບໂຕເສດຖະກິດ ບັນລຸປະມານ 6,7-6,8%, ພຽງແຕ່ດັດຊະນີລາຄາໃຊ້ສອຍ(CPI) ມີພຽງ 3-3,5%. ນີ້ແມ່ນບາງຂໍ້ມູນ ຍົກອອກຢູ່ກອງປະຊຸມປະກາດບົດລາຍງານໂດຍສັງເຂບຕະຫຼາດການເງິນ ປີ 2015, ໂດຍຄະນະກຳມະການຕິດຕາມກວດກາການເງິນແຫ່ງຊາດ ດຳເນີນໃນຕອນເຊົ້າວັນທີ 14/3 ຢູ່ຮ່າໂນ້ຍ. ຕາມການລາຍງານ, ພື້ນຖານໂຄງຮ່າງການເງິນຫວຽດນາມ ໄດ້ຮັບການປັບປຸງຢ່າງຕັ້ງໜ້າ, ຍົກສູງຈິດໃຈໂປ່ງໃສ, ເພີ່ມທະວີການຄຸ້ມຄອງຄວາມສ່ຽງ. ປີ 2015, ມີຈຳນວນເງິນປະມານ 800 ຕື້ດົ່ງ (ທຽບເທົ່າກັບ 19% GDP) ໄດ້ສະໜອງໃຫ້ພື້ນຖານເສດຖະກິດ ຜ່ານລະບົບສີນເຊື່ອທະນາຄານ, ຈຳໜ່າຍໃບຫຸ້ນ, ພັນທະບັດ ຢູ່ຕະຫຼາດແຫຼ່ງທຶນຮອນ.
ຕາມບົດລາຍງານ ກໍ່ຊີ້ແຈ້ງວ່າ: ພື້ນຖານເສດຖະກິດ ກຳລັງປະເຊີນໜ້າກັບຄວາມຫຍຸ້ງຍາກ, ສິ່ງທ້າທາຍຫຼາຍຢ່າງ. ພື້ນຖານເສດຖະກິດຍັງຄົງສືບຕໍ່ເຕີບໂຕ ສ່ວນຫຼາຍແມ່ນອີງໃສ່ກຸ່ມວິສາຫະກິດຕ່າງປະເທດ; ໜີ້ສາທາລະນະສືບຕໍ່ເພີ່ມຂື້ນຢ່າງວ່ອງໄວ, ລາຍຈ່າຍງົບປະມານເກີນດຸນແມ່ນຢູ່ໃນລະດັບສູງ. ຄາດຄະເນ ປີ 2016, ລະດັບການການຈະເລີນເຕີບໂຕເສດຖະກິດຫວຽດນາມ ສາມາດໄດ້ຮັບການປັບປຸງ ຍ້ອນບັນດາສັນຍາການຄ້າເສລີ ໄດ້ຮັບການລົງນາມ ແລະ ຜັນຂະຫຍາຍປະຕິບັດ. ເສດຖະກິດມະຫາພາກສືບຕໍ່ຮັກສາສະຖຽນລະພາບ ສ້າງເງື່ອນໄຂສະດວກ; ລະບົບອົງການສີນເຊື່ອມີແງ່ຫວັງຫຼາຍຢ່າງ, ລວມທັງການຈະເລີນເຕີບໂຕກໍ່ຄືການລະດົມທຶນ, ຄວບຄຸມໜີ້ເສຍຢູ່ໃນລະດັບຕ່ຳ (ຕ່ຳກ່ວາ 3%).