ແຜນທີ່ໃນປື້ມ”ເດ້ຍຢືໂດ່ຂ່າວ”ຢັ້ງຢືນອະທິປະໄຕຂອງຫວຽດນາມ
(ພາບ: google.com.vn)
(vovworld) - ວັນທີ 28/8, ຢູ່ສຳນັກງານໜັງສືພິມ Giac Ngo (ແປວ່າຕື່ນຕົວ), ນະຄອນໂຮ່ຈີມິນ, ຄະນະວັດທະນະທຳສູນກາງ ສະມາຄົມພຸດທະສາສະໜາຫວຽດນາມ ໄດ້ຈັດຕັ້ງພິທີປະກາດປື້ມ ”ເດ້ຍຢືໂດ່ຂ່າວ” (ແຜນທີ່ພູມສາດ), ທີ່ພິມຈຳໜ່າຍແຕ່ສະໄໝລາຊະວົງ Quang Tu (1875-1908). ປື້ມດັ່ງກ່າວມີແຜນທີ່ອັນລະອຽດຕິດພ້ອມ. ເຊິ່ງໄດ້ຮັບຮູ້ວ່າເກາະໄຮ້ໜານ ແມ່ນຊາຍແດນສຸດທ້າຍຂອງທະວີບຈີນ. ພະມະຫາອາຈານ Thich Trung Hau, ຫົວໜ້າຄະນະວັດທະນະທຳສູນກາງສະມາຄົມພຸດທະສາສະໜາຫວຽດນາມ ຢັ້ງຢືນວ່າ ປະເທດຊາດ ແລະ ພຸດທະສາສະໜາຍາມໃດກໍ່ຕິດພັນນຳກັນ. ດ້ວຍເລື່ອງປະກາດເອກະສານບູຮານທີ່ກ່ຽວຂ້ອງເຖິງບັນຫາເຂດນ່ານນ້ຳທະເລຂອງປະເທດຊາດ, ສະມາຄົມພຸດທະສາສະໜາຫວຽດນາມ ມີທັດສະນະວ່າ, ນອກຈາກວຽກງານຮຳ່ຮຽນຕາມຫຼັກທຳມະແລ້ວ, ວຽກງານໃດທີ່ນຳມາເຊິ່ງຜົນປະໂຫຍດໃຫ້ແກ່ປະເທດຊາດ ແມ່ນວຽກງານທີ່ຕ້ອງປະຕິບັດ. ປື້ມຫົວນີ້ໄດ້ສະໜອງພະຍານຫຼັກຖານໃໝ່ທີ່ຢັ້ງຢືນອະທິປະໄຕຂອງຫວຽດນາມຢູ່ບັນດາໝູ່ເກາະຮ່ວາງຊາ ແລະ ເຈື່ອງຊາ