ປະກາດລາຍງານດັດສະນີດຳເນີນທຸລະກິດປີ 2013
ປະກາດລາຍງານດັດສະນີດຳເນີນທຸລະກິດປີ 2013
(vovworld) - ຕາມລາຍງານຂອງຫ້ອງການການຄ້າ ແລະ ອຸດສາຫະກຳຫວຽດນາມ ເຊິ່ງປະກາດໃນວັນທີ 27/4 ແລ້ວ, ຖັນແຖວນັກທຸລະກິດຫວຽດນາມ ນັບມື້ນັບໄດ້ຮັບຖືເປັນສຳຄັນ. ແຕ່ລະດັບຄວາມຮັບຮູ້ກ່ຽວກັບການດຳເນີນທຸລະກິດຢູ່ຫວຽດນາມ ຍັງຕຳ່ຢູ່ ເມື່ອທຽບໃສ່ບັນດາປະເທດທີ່ມີລະດັບພັດທະນາເທົ່າກັບຫວຽດນາມ. ກ່ຽວກັບເງື່ອນໄຂດຳເນີນທຸລະກິດ, ບາງດັດສະນີກ່ຽວກັບພື້ນຖານໂຄງລ່າງ, ຄວາມຂະຫຍັນຂັນເຂື່ອນຂອງຕະຫຼາດພາຍໃນ, ວັດທະນະທຳ ແລະ ມາດຖານສັງຄົມລ້ວນແຕ່ບັນລຸໄດ້. ສ່ວນດັດສະນີທີ່ຍັງເຫຼືອຄືການບໍລິການໜູນຊ່ວຍການດຳເນີນທຸລະກິດເຊັ່ນ: ໃຫ້ຄຳປຶກສາ, ກົດໝາຍ, ບັນຊີ, ກວດສອບບັນຊີບໍ່ທັນພັດທະນາເທົ່າທີ່ຄວນ… ທ່ານ ຫວູຕ໋ຽນໂລກ, ປະທານຫ້ອງການການຄ້າ ແລະ ອຸດສາຫະກຳຫວຽດນາມ, ໃຫ້ຮູ້ວ່າ:
ດັດສະນີດຳເນີນທຸລະກິດຂອງຫວຽດນາມໃນປີ 2013, ແມ່ນສະແດງອອກຕາມແຕ່ລະໄລຍະ, ແຕ່ລະຮອບວຽນພັດທະນາການດຳເນີນທຸລະກິດ. ໂດຍໄດ້ເຂົ້າຮ່ວມການຄົ້ນຄ້ວາດັດສະນີດຳເນີນທຸລະກິດທົ່ວໂລກ. ເປັນຄັ້ງທຳອິດທີ່ຫວຽດນາມ ມີບົດລາຍງານ, ອັນໄດ້ປະກອບສ່ວນຊ່ວຍໃຫ້ພວກເຮົາສາມາດປຽບທຽບການພັດທະນາຂອງຫວຽດນາມກັບບັນດາປະເທດພັດທະນາຢູ່ໃນໂລກ, ພິເສດແມ່ນບັນດາປະເທດມີລະດັບພັດທະນາເທົ່າກັບຫວຽດນາມ ແລະ ບັນດາປະເທດໃນອາຊຽນ. ບົດລາຍງານຮັບໃຊ້ໃຫ້ວິວັດການສ້າງນະໂຍບາຍ ແລະ ມີຂໍ້ຕົກລົງພັດທະນາວິສາຫະກິດໃນໄລຍະຕໍ່ໄປ.