(vovworld) – ຕອນຄຳ່ວັນທີ 1/7, ຢູ່ແຂວງ ຖ໋າຍງວຽນ ໄດ້ດຳເນີນພິທີປະກາດມະຕິຂອງຄະນະປະຈຳສະພາແຫ່ງຊາດຫວຽດນາມ ສ້າງຕັ້ງນະຄອນຊົງໂກງ (ແຂວງ ຖ໋າຍງວຽນ) ແລະ ສະເຫຼີມສະຫຼອງ 30 ປີແຫ່ງວັນສ້າງຕັ້ງເທດສະບານຊົງໂກງ (ປະຈຸບັນແມ່ນນະຄອນຊົງໂກງ). ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເໜີວ່າ: ໃນໄລຍະຈະມາເຖິງ, ນະຄອນຊົງໂກງ ຕ້ອງເປັນເຈົ້າການຂຸດຄົ້ນ, ເສີມຂະຫຍາຍທ່າແຮງຂອງທ້ອງຖິ່ນ, ສຸມໃສ່ພັດທະນາບັນດາຄວາມສາມາດບົ່ມຊ້ອນ, ທ່າແຮງຂອງນະຄອນ, ແກ້ໄຂບັນດາບັນຫາສັງຄົມເປັນຢ່າງດີ, ເສີມຂະຫຍາຍກຳລັງພາຍໃນໃນລະດັບສູງສຸດ, ຮັບປະກັນວາງແຜນກຳນົດສະຖາປັດຕະຍະກຳນະຄອນພາກພູດອຍທາງທິດເໜືອ. ນະຄອນກໍຄວນພັດທະນາວັດທະນາທຳ, ສັງຄົມຢ່າງຮອບດ້ານ, ຍົກສູງຊີວິດການເປັນຢູ່ຂອງປະຊາຊົນ, ຍູ້ໄວຄວາມຄືບໜ້າໃນການປະຕິບັດໂຄງການຄາດໝາຍແຫ່ງຊາດກໍ່ສ້າງຊົນນະບົດໃໝ່.
“ສືບຕໍ່ຜັນຂະຫຍາຍມະຕິສູນກາງ 4 ກ່ຽວກັບການສ້າງພັກ ແລະ ຄຳສັ່ງ 03 ຂອງກົມການເມືອງ ກ່ຽວກັບການສືບຕໍ່ຍູ້ແຮງການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດຂອງປະທານໂຮ່ຈິມິນ ຢ່າງມີປະສິດທິຜົນ, ສູ້ຊົນສ້າງອົງຄະນະພັກ ແລະ ລະບົບການເມືອງໃຫ້ປອດໄສ, ໝັ້ນຄົງ, ເຂັ້ມແຂງ, ມີກຳລັງຄວາມສາມາດ ແລະ ກຳລັງສູ້ຮົບ. ດັດດຽວສະກັດກັ້ນຍູ້ໄພອາດຍາສິດ, ການສໍ້ລາດບັງຫຼວງ, ການຟຸມເຟືອຍໃຫ້ຖອຍໄປ, ຈັດຕັ້ງກອງປະຊຸມໃຫຍ່ອົງຄະນະພັກທຸກຂັ້ນໃຫ້ສຳເລັດ, ປະກອບສ່ວນເຂົ້າໃນຜົນສຳເລັດກອງປະຊຸມໃຫຍ່ຄັ້ງທີ 12 ຂອງພັກ, ກະກຽມໃຫ້ການພັດທະນາຂອງຊົງໂກງໃນຊຸມປີຕໍ່ໄປຢ່າງໝັ້ນຄົງ”.