(vovworld) - ຕອນເຊົ້າວັນທີ 5/11, ຢູ່ ນະຄອນ Da Nang, ໄດ້ດຳເນີນກອງປະຊຸມແລກປ່ຽນວຽກງານກັບບັນດາແຂວງແຄມທະເລພາກກາງ ຫວຽດນາມ ກ່ຽວກັບການປະຕິບັດຄຳສັ່ງເລກທີ 03 ຂອງກົມການເມືອງ ສືບຕໍ່ຍູ້ແຮງການຮຳ່ຮຽນແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ. ທ່ານນາງ Ha Thi Khiet ເລຂາສູນກາງພັກ, ຫົວຫນ້າຄະນະຂົນຂວາຍປະຊາຊົນສູນກາງໄດ້ສະເຫນີບັນດາທ້ອງຖິ່ນ, ຫົວຫນ່ວຍຕ້ອງສະຫລຸບຮູບການ, ວິທີໃນວິວັດການປະຕິບັດຄຳສັ່ງເລກທີ 03 ຕິດພັນກັບການປະຕິບັດມະຕິສູນກາງພັກຄັ້ງທີ 4 ຊຸດທີ 11 “ບາງບັນຫາຮີບດ່ວນກ່ຽວກັບການກໍ່ສ້າງພັກປະຈຸບັນ”.
ໃນວັນດຽວກັນ, ຢູ່ນະຄອນ Ba Ria Vung Tau, ທ່ານ Ngo Van Du ເລຂາສູນກາງພັກ, ຫົວຫນ້າຄະນະກຳມະການກວດກາສູນກາງໄດ້ເປັນປະທານກອງປະຊຸມແລກປ່ຽນຄຳເຫັນກັບບັນດາແຂວງທາງທິດຕາເວັນອອກພາກໃຕ້ ກ່ຽວກັບການປະຕິບັດຄຳສັ່ງເລກທີ 03 ຂອງກົມການເມືອງກ່ຽວກັບການສືບຕໍ່ຍູ້ແຮງການຮຳ່ຮຽນແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ. ກ່າວຄຳເຫັນຊີ້ນຳກອງປະຊຸມ, ທ່ານ Ngo Van Du ໄດ້ສະເຫນີບັນດາທ້ອງຖິ່ນຄວນແກ້ໄຂຂໍ້ຂາດຕົກບົກຜ່ອງຢ່າງເຂັ້ມງວດເພື່ອປະຕິບັດຄຳສັ່ງເລກທີ 03 ຂອງກົມການເມືອງໃນໄລຍະຈະມາເຖິງເປັນຢ່າງດີ. ທ່ານ Ngo Van Du ຫົວຫນ້າຄະນະກຳມະການກວດກາສູນກາງ ໄດ້ເນັ້ນຫນັກວ່າ:
“ພວກຂ້າພະເຈົ້າສະເຫນີອົງການພັກ, ຫົວຫນ່ວຍໃນຄະນະປະຈຳຄະນະພັກຂັ້ນຕ່າງໆ, ເລຂາພັກ ເລືອກເຟັ້ນບາງບັນຫາຂຶ້ນກັບບັນດາຂົງເຂດນັບທັງແນວຄິດ, ຄຸນສົມບັດ, ບັນດາຫນ້າທີ່ກ່ຽວກັບເສດຖະກິດ, ສັງຄົມ ແລະ ບັນຫາອື່ນທີ່ກ່ຽວຂ້ອງ ຈາກນັ້ນປຶກສາຫາລືບັນດາມາດຕະການສູ້ຊົນ, ແກ້ໄຂ ແລະ ສ້າງການຫັນປ່ຽນ, ກ້າວໄປເຖິງການແກ້ຢ່າງເດັດຂາດໃນໄລຍະຈະມາເຖິງ. ”